Ermənistan Təhlükəsizlik Şurasının katibi Armen Qriqoryan və Böyük Britaniya Baş nazirinin milli təhlükəsizlik məsələləri üzrə müşaviri Tim Barroun Cənubi Qafqazdakı vəziyyəti müzakirə ediblər.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Londonda keçirilən görüşdə müzakirələr aparılıb.
Armen Qriqoryan həmsöhbətinə İrəvanın Azərbaycanla münasibətlərin nizamlanmasına və regionda sülhün bərqərar olmasına yönəlmiş səylərini təqdim edib.
Tərəflər, həmçinin Ermənistan-Britaniya münasibətlərinin inkişaf dinamikasını, iki ölkə arasında strateji dialoqun rəsmi başlanğıcını müzakirə ediblər.
