Afət Ziyadqızı
Qırğızıstan Dövlət Milli Təhlükəsizlik Komitəsinin (MTK) şəxsi heyəti ölkədə kütləvi üsyan və ardınca dövlət çevrilişi təşkil etmək cəhdinin qarşısını alıb.
"Operativ Məlumat Mərkəzi-OMM" xəbər verir ki, bu barədə nazirliyin mətbuat mərkəzi məlumat yayıb.
"Dövlət Milli Təhlükəsizlik Komitəsi təhlükəsizliyin təmin edilməsi, konstitusiya quruluşunun və vətəndaş hüquqlarının qəsd və pozuntulardan qorunması məqsədilə yerli toqquşmalar, ardınca isə kütləvi etiraz aksiyaları və iğtişaşlar təşkil etməklə, etnik nifrətin qızışdırılmasına yönəlmiş hazırlıqları aşkar edilərək qarşısı alınıb. Əsas məqsəd dövlət çevrilişinə cəhd vasitəsilə ictimai-siyasi sabitliyi pozmaq olub", - məlumatda deyilir.
