Qırğızıstanın İssık-Göl vilayətində 5 bal gücündə zəlzələ baş verib.
“Operativ Məlumat Mərkəzi-OMM” xəbər verir ki, bu barədə Qırğızıstanın Seysmologiya İnstitutu məlumat yayıb.
Məlumata görə, zəlzələnin episentri Öttük kəndindən 5 kilometr məsafədə yerləşib. Yeraltı təkanlar Öttük və Kazan-Kuygan kəndlərində 5 bal, bir sıra digər yaşayış məntəqələrində isə 3-4 bal gücündə hiss olunub.
Qeyd olunub ki, hadisə nəticəsində hələlik dağıntı və ya insan tələfatı barədə rəsmi məlumat daxil olmayıb. Aidiyyəti qurumlar ərazidə monitorinqləri davam etdirir.
