Qırğızıstan MDB-yə üzv dövlətlərin inteqrasiyasının gücləndirilməsinə və çoxtərəfli formatda qarşılıqlı əlaqələrin artırılmasına sadiqdir.

"Operativ Məlumat Mərkəzi-OMM" xəbər verir ki, bunu Qırğızıstan Prezidenti Sadır Japarov MDB-yə üzv dövlətlərin Təhlükəsizlik və Xüsusi Xidmət Orqanları Rəhbərləri Şurasının üzvləri ilə görüşündə deyib.

O, görüşün birgə qarşılıqlı fəaliyyətin daha da möhkəmləndirilməsi və dərinləşdirilməsi üçün lazımi şərait yaradacağına ümidvar olduğunu bildirib.

Qeyd edək ki, Bişkekdə MDB-nin Təhlükəsizlik və Xüsusi Xidmət Orqanları Rəhbərləri Şurasının 54-cü iclası keçirilir. İclasda Azərbaycanı Dövlət Təhlükəsizliyi Xidmətinin (DTX) rəisi general-polkovnik Əli Nağıyev təmsil edir.

İclasda əsas diqqət MDB ölkələrinin təhlükəsizliyinə təhdidlərin qiymətləndirilməsi üzrə ümumi yanaşmaların işlənib hazırlanması və onların zərərsizləşdirilməsinə ayrılacaq. Eyni zamanda xüsusi xidmət orqanları arasında qarşılıqlı fəaliyyətin səmərəliliyinin artırılması da gündəlikdə olacaq.

İsrailin ölüm yağışı yağdığı Qəzzada həyatını itirənlərin sayı 37 min 658-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV mılumat yayıb.

Belə ki, Fələstin Səhiyyə Nazirliyindən verilən açıqlamada İsrail ordusunun son 24 saat ərzində dinc sakinlərə qarşı 3 hücum təşkil etdiyi, 32 nəfərin həyatını itirdiyi, 139 nəfərin yaralandığı bildirilib. Bununla da hücumların başladığı 7 oktyabrdan bəri yaralıların sayının isə 86 min 237-yə yüksəldiyi qeyd edilib.

Fələstinin HƏMAS hərəkatının Siyasi Büro rəhbərinin müavini Musa Əbu Mərzuk bildirib ki, Rusiya Qəzza zolağında atəşkəsin təminatçısı olmalıdır.

"Operativ Məlumat Mərkəzi-OMM" xəbər verir ki, o, bu barədə RİA Novosti-yə bildirib.

“Biz hələ də Rusiyanın belə bir atəşkəs razılaşmasının təminatçısı olmasında israr edirik, çünki ABŞ-ın İsrailin tərəfində olduğu və onların mövqeyinin sadəlövh olmadığı açıq-aydın görünür. Rusiyanın mövqeyi daha ədalətlidir, bütün tərəflər üçün daha məqbuldur və bu istiqamətdə irəliləməyə hazırdır. Biz ABŞ-ın hegemonluğuna və onun Fələstin məsələsində birtərəfli təsirinə son qoymaq istəyirik”, - deyə Mərzuk vurğulayıb.

Fransa parlament seçkiləri ərəfəsində ifrat sağçı və ifrat solçu siyasi bloklarla qarşılaşdığı üçün vətəndaş müharibəsi ilə üzləşə bilər.

"Operativ Məlumat Mərkəzi-OMM" xəbər verir ki, bunu Fransa prezidenti Emmanuel Makron deyib, onun sözlərini BFMTV kanalı sitat gətirib.

Telekanal prezidentin fikrinə istinad edərək, “iki ifratın verilişləri vətəndaş müharibəsinə aparır”, - deyib.

Bundan əvvəl Makron Marin Le Penin Milli Mitinqində qələbə qazanacağını proqnozlaşdıran sorğular fonunda fransızları “ekstremistlərə” səs verməməyə çağırmışdı.

Makron Fransa xalqının gücünə güvəndiyini vurğulayıb və vətəndaşları məsuliyyət daşımağa çağırıb.

Pakistanın Baş naziri Şahbaz Şərif iyulun 2-də Tacikistana rəsmi səfərə gedəcək.

"Operativ Məlumat Mərkəzi-OMM" “Sputnik-Tacikistan”a istinadən xəbər verir ki, bu barədə Tacikistanın Xarici İşlər Nazirliyi məlumat yayıb.

Onun səfəri Tacikistan Prezidenti Emoməli Rəhmonun rəsmi dəvəti ilə baş tutacaq və iki gün davam edəcək.

Bu, Ş.Şərifin Pakistanın baş naziri seçilməsindən sonra ilk səfəri olacaq.

Hindistanın Baş naziri Narendra Modi iyulun 8-də Moskvaya birgünlük səfər edəcək.

"Operativ Məlumat Mərkəzi-OMM" xəbər verir ki, bu barədə “The Tribune” məlumat yayıb.

Bildirilib ki, Hindistanın Baş nazirinin səfəri mühüm əhəmiyyət kəsb edir. Çünki bu səfər N.Modinin üçüncü müddətə hökumətə rəhbərlik etməsindən az sonra baş tutacaq.