Qırğızıstan hakimiyyəti vətəndaşlarını Rusiyaya səfərdən çəkinməyə çağırıb

Qırğızıstan vətəndaşlarına üzrlü səbəb olmadan bir müddət Rusiyaya getməmək tövsiyə olunub.

"Operativ Məlumat Mərkəzi-OMM" xəbər verir ki, bu təklifi Qırğızıstan Xarici İşlər Nazirliyinin mətbuat xidməti yayıb.

Nazirlikdən verilən məlumata görə, Qırğızıstan vətəndaşlarına əvvəllər tətbiq edilmiş əlavə təhlükəsizlik tədbirləri dayandırılana və dövlət sərhədində nəzarət rejimi gücləndirilənə qədər müvəqqəti olaraq Rusiya Federasiyasının ərazisinə səfərdən çəkinmələri tövsiyə olunub.