Fələstinin eksklav ərazisi Qəzza Zolağında uşaqlar aclıqdan ölür.
"Operativ Məlumat Mərkəzi-OMM" xəbər verir ki, bu barədə Ümumdünya Səhiyyə Təşkilatı xəbərdarlıq edib.
Qurumun baş direktoru Tedros Qebreisus Qəzzada bir neçə xəstəxananı ziyarət etdiklərini və aclıqla bağlı vəziyyətin pis olduğunu deyib.
Xüsusilə, əl-Auda xəstəxanasında acınacaqlı şərait hökm sürür.
HƏMAS-ın səhiyyə nazirliyi son bir neçə gündə aclıqdan 10 uşağın öldüyünü bildirib. Ölüm halları, təkcə, ərzaqla bağlı deyil, həm də xəstə uşaqlara tibbi xidmətlərin göstərilməməsi ilə bağlıdır.
Rəsmilərin sözlərinə Qəzza Zolağında hazırda 576 min insan aclıq çəkir.
