Beloqorodsk vilayəti üzərində səmada vurulan İl-76 təyyarəsinin qara qutuları ekspertiza üçün özəl elmi-tədqiqat institutunun laboratoriyasına çatdırılıb.
"Operativ Məlumat Mərkəzi-OMM" xəbər verir ki, bu barədə "RİA Novosti" fövqəladə hallar xidmətinin nümayəndəsinə istinadən xəbər verir.
Mənbə cihazların yaxşı vəziyyətdə olduğunu və şifrənin açılması üçün yararlı olduğunu qeyd edib. Bu halda söhbət bortda olan səs yazıcısından və uçuş parametrlərini qeyd edən cihazdan gedir.
“İl-76-nın qəza yerində tapılan qara qutular şifrənin açılması üçün bu sahədə ixtisaslaşmış tədqiqat institutuna təhvil verilib".
Nümayəndə əlavə edib ki, əksər hallarda məlumatların şifrəsinin açılması 20-30 dəqiqə çəkir. Ancaq mütəxəssislərin daha çox vaxta ehtiyacı olduğu istisnalar var.
Mənbənin dediyinə görə, əvvəlcə mütəxəssislər səs yazıcısının şifrəsini açmalıdırlar. Pilotların reaksiyasından təyyarəyə hər hansı kənar təsirin olub-olmadığını anlamaq mümkün olacaq.
“İndi əsas məsələ təyyarəni hansı raketin (Patriot və ya İris-T) vurduğunu anlamaqdır”, - deyə fövqəladə hallar xidmətinin nümayəndəsi bildirib.
