Qətər Qəzzada jurnalistlərin öldürülməsi ilə bağlı araşdırma aparmağa çağırır

Qətər İsrailin 5 aydır hücumlarını həyata keçirdiyi Qəzza zolağında jurnalistlərə qarşı cinayətlərinin sürətli və müstəqil araşdırılmasına çağırıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qətər diplomatı Nime, "2023-cü il oktyabrın 7-dən bu yana Qəzzada öldürülən jurnalistlərin sayı 130-u keçib. 16 jurnalist yaralanıb, 4-ü itkin düşüb, 25-i saxlanılıb",- deyə qeyd edib.

İsrail tərəfindən öldürülən jurnalistlərə işarə edən Nime, "Bu rəqəmlərin artma ehtimalı var. Bunlar müasir müharibələr tarixində jurnalistlər üçün ən böyük itkilərdir",- deyə vurğulayıb.