Qətər Müdafiə Nazirliyi (MN) ölkə ərazisinə hədəflənmiş raketin hava hücumundan müdafiə sistemləri tərəfindən uğurla zərərsizləşdirildiyini bəyan edib.
“Operativ Məlumat Mərkəzi-OMM” agentliyi yerli KİV-ə istinadən xəbər verir ki, bu barədə nazirliyin rəsmi açıqlamasında bildirilib.
Məlumatda qeyd olunur ki, müdafiə sistemləri təhlükəni aradan qaldırıb, lakin hücumun təfərrüatları hələlik ictimaiyyətə açıqlanmır.
Xatırladaq ki, hadisədən öncə ölkədə yüksək təhlükəsizlik təhdidi səviyyəsi elan edilmişdi. Qətər Daxili İşlər Nazirliyi sakinlərin mobil telefonlarına təcili bildiriş göndərərək, vətəndaşları ehtiyatlı olmağa və evdə qalmağa çağırıb.
