OMM Redaksiyası
“Qəbələ” heyətini yeni futbolçu ilə gücləndirib. Bölgə təmsilçisi albaniyalı Endri Çekiçi ilə 2026-2027-ci illər mövsümünün sonunadək müqavilə imzalayıb.
29 yaşlı hücumameyilli yarımmüdafiəçi karyerası ərzində bir sıra ölkələrin klublarında çıxış edib. O, Zaqreb “Dinamo”su, Lyublyana “Olimpiya”sı, “Ankaragücü”, “Konyaspor”, “Pendikspor” və “Adanaspor”un formasını geyinib.
Çekiçinin son klubu İraqın “Zakho” komandası olub. Futbolçu həmin kollektivdən sonra karyerasını Azərbaycanda davam etdirəcək.
Albaniya millisinin də üzvü olan yarımmüdafiəçi yığmanın heyətində 11 oyunda meydana çıxıb və bir qol vurub. Çekiçi hücumameyilli mövqedə çıxış edir.
