Futbol üzrə Azərbaycan Premyer Liqasında XVII turun daha bir oyunu keçirilib.

"Operativ Məlumat Mərkəzi-OMM" xəbər verir ki, “Səbail” klubu “ASCO Arena”da “Qəbələ”ni qəbul edib.

Görüş meydan sahiblərinin 3:0 hesablı qələbəsi ilə başa çatıb. Qolları 18-ci dəqiqədə Yadin Luqasi, 52-ci dəqiqədə İlkin Qırtımov (avtoqol) və 60-cı dəqiqədə penaltidən Aleksandr Ramalinqom vurub. 35-ci dəqiqədə qonaqların futbolçusu Samuel Tete birbaşa qırmızı vərəqə ilə meydandan qovulub.

Bu nəticə ilə xallarını 26-ya çatdıran “Səbail” üçüncü pilləyə yüksəlib. Ardıcıl üçüncü matçda eyni hesabla uduzan “Qəbələ” isə 11 xalla sonuncu – 10-cu sırada qərarlaşıb.

Günün son oyununda “Araz-Naxçıvan” və “Sabah” komandaları üz-üzə gələcəklər.

Qeyd edək ki, XVII turun açılış oyununda “Kəpəz” “Sumqayıt”la 1:1 hesablı heç-heçə edib. Dekabrın 16-da “Turan Tovuz” və “Zirə”, dekabrın 18-də isə “Qarabağ” və “Neftçi” komandaları üz-üzə gələcəklər.

"Barselona" komandanın yarımmüdafiəçisi Lamin Yamalın gələcəyi ilə bağlı qərar verib.

"Operativ Məlumat Mərkəzi-OMM" "Marca"ya istinadən xəbər verir ki, gələn yay Yamalın 18 yaşı tamam olanda klub onunla 2030-cu ilə qədər yeni müqavilə imzalayacaq.

Cari mövsümdə "Barselona" oyunçunun maaşını artırmaq niyyətindədir.

Daha əvvəl PSJ-nin 17 yaşlı futbolçunun transferi üçün 200 milyon avro ödəməyə hazır olduğu bildirilirdi. Bununla belə, "Barselona" futbolçunu satmayacaqlarını açıqlayıb.

Yamal bu mövsüm La Liqada Kataloniya klubunda 5 oyun keçirib, 3 qol vurub və 4 məhsuldar ötürmə edib. Futbolçunun müqaviləsi 2026-cı ilin yayına kimi nəzərdə tutulub. 

"Napoli"nin idman direktoru Covanni Manna bildirib ki, klub hücumçu Xviça Kvaratsxeliya ilə müqaviləni uzatmaq istəyir.

"Operativ Məlumat Mərkəzi-OMM" xəbər verir ki, bu barədə "Sky Sports" məlumat yayıb.

“Onun 3 illik müqaviləsi var. Kvara ilə maraqlanan klublar var, amma biz əməkdaşlığımızı davam etdirmək istəyirik. "Napoli" müqaviləni uzatmaq üçün agentləri ilə işləyir", - deyə o bildirib.

23 yaşlı gürcü futbolçunun müqaviləsi 2027-ci ilin yayında başa çatır.

"Transfermarkt" portalı Kvaratsxeliyanın dəyərini 80 milyon avro qiymətləndirir.

Bu mövsüm forvard 5 oyun keçirib, 2 qol vurub və 2 məhsuldar ötürmə edib.

"Real Madrid" yaxın günlərdə fransız müdafiəçisi Ferland Mendi ilə müqaviləni uzadacaq.

"Operativ Məlumat Mərkəzi-OMM" xəbər verir ki, bu barədə “Marca” məlumat yayıb.

Yeni müqavilə 30 iyun 2027-ci ilə qədər qüvvədə olacaq.

Məlumata görə, müqavilənin uzadılması ilə bağlı danışıqlar bütün yay boyu aparılıb.

Müqavilənin uzadılması ilə bağlı rəsmi açıqlamanın yaxın günlərdə olacağı gözlənilir.

Mendi 2019-cu ilin yayından İspaniya nəhəngində çıxış edir. Bu müddət ərzində o, bütün turnirlərdə 175 matçda iştirak edib, bu matçlarda 6 qol vurub, 10 məhsuldar ötürmə edib.

"İnter" yarımmüdafiəçi Kristjan Aslani ilə yeni uzunmüddətli müqavilə imzalayıb.

"Operativ Məlumat Mərkəzi-OMM" xəbər verir ki, bu barədə Milan klubunun mətbuat xidməti məlumat yayıb.

22 yaşlı futbolçu ilə müqavilə 30 iyun 2028-ci ilə qədər nəzərdə tutulub.

Aslani 2022-ci ilin yayında "Empoli"dən "İnter"ə keçib.

Yarımmüdafiəçi Milan komandasının heyətində 64 oyun keçirib.

Futbol statistikası və analitikası ilə məşğul olan beynəlxalq “Football Meets Data” səhifəsi Avropa Liqasının təhlilini həyata keçirib.

"Operativ Məlumat Mərkəzi-OMM" xəbər verir ki, Liqa mərhələsində yarışan 36 komandanın pley-off, 1/8 final və 1/4 finala çıxmaq şansları dəyərləndilib.

Təhlilçilərin fikrincə, Azərbaycan çempionu “Qarabağ” “pley-off”da iştirak edə biləcək. Ağdam klubunun ən güclü 24 komanda sırasına düşmək şansı 63 faiz olaraq göstərilib. Onlara görə, Qurban Qurbanovun baş məşqçisi olduğu komanda Liqa mərhələsini 23-cü yerdə başa vuracaq "pley-off"da oynaya biləcək.

“Qarabağ”ın TOP-8-ə düşmək şansı isə 13 faiz olaraq qeyd edilib. Yəni “Football Meets Data”ya görə, “Qarabağ”ın  bu mərhələdə iştitak ehtimalı çox azdır. 

Xatırladaq ki, Liqa mərhələsində “Qarabağ”ın rəqibləti “Tottenhem” (İngiltərə), “Malmö” (İsveç), “Ayaks” (Niderland), “Bodo Qlimt” (Norveç), “Lion” (Fransa), Elfsborq” (İsveç) FCSB (Rumıniya) və “Olimpiakos”dur (Yunanıstan).

Avroliqanın Liqa mərhələsində 1-8-ci yeri tutanlar 1/8 finala birbaşa vəsiqə qazanır. 9-24-cü yeti tutanlar isə şərti olaraq 1/16 final da adlandıra biləcəyimiz “pley-off”da oynayacaqlar. 25-36-cı yeri tutanlar avrokuboklarda iştirakını başa vururlar.

“Football Meets Data”ya görə, Avroliqada 1/4 finala isə aşağıda adları qeyd edilən 8 komanda yüksələcək:

1. “Tottenhem (İngiltərə) 

2. “Qalatasaray” (Türkiyə) 

3. “Mançester Yunayted” (İngiltərə) 

4. “Atletik” (İspaniya) 

5. “Roma” (İtaliya)

6. “Latsio” (İtaliya)

7. “Portu” (Portuqaliya)

8. “Ayntraxt” (Almaniya)

Final mərhələsi üçün proqnoz