Qazaxıstanda martın əvvəlindən bəri davam edən güclü daşqınlar səbəbindən mülki müdafiə mütəxəssisləri 5 mini uşaq olmaqla, təxminən 14 min insanı təxliyə etməli olub.

"Operativ Məlumat Mərkəzi-OMM" xəbər verir ki, bu barədə ölkənin Fövqəladə Hallar Nazirliyi məlumat verib.

Bildirilib ki, 5 min 250-si uşaq olmaqla, ümumilikdə 13 min 659 nəfər xilas edilərək təhlükəsiz ərazilərə təhvil verilib. 1655 nəfər (onlardan 424-ü uşaq) helikopterlə təxliyə edilməli olub.

Aktobe, Qərbi Qazaxıstan, Akmola, Atırau və Kostanay vilayətlərindəki müvəqqəti yerləşdirmə mərkəzlərində 2386-sı uşaq olmaqla 6034 nəfər var.

Xilasetmə qrupları 10 mindən çox kənd təsərrüfatı heyvanlarını təhlükəsiz yerlərə aparıblar.

Yolların dağılması səbəbindən yerli hakimiyyət orqanlarının lazımi ərzaq və dərman ləvazimatları ilə təmin olunduğu 49 yaşayış məntəqəsi nəqliyyat əlaqəsindən məhrum olub.

Qazaxıstanın yeddi rayonunda 8 mindən çox insan, 2 min quru texnikası və 14 helikopterlə xilasetmə işləri aparılır.

İran Prezidenti İbrahim Rəisini daşıyan helikopter sərt eniş edib.

"Operativ Məlumat Mərkəzi-OMM" xəbər verir ki, bu barədə IRNA məlumat yayıb.

Bu helikopterdə dövlət başçısı ilə yanaşı Təbrizin cümə imamı Məhəmmədəli Ali Haşim, xarici işlər naziri Hüseyn Əmir-Abdullahiyan, Şərqi Azərbaycan valisi Malik Rəhməti və bir neçə başqa sərnişin də olub.

Xilasedicilər hadisə yerinə yola düşüb. Ölkə liderinin vəziyyəti barədə məlumat verilməyib.

İnsident İranın Şərqi Azərbaycan vilayətindəki Varziqan şəhərində baş verib.

16:51 ***

İran Prezidenti İbrahim Rəisini daşıyan helikopter qəzaya uğrayıb.

"Operativ Məlumat Mərkəzi-OMM" xəbər verir ki, bu barədə “Tasnim” məlumat yayıb.

Bildirilib ki, qəza İranın Şərqi Azərbaycan vilayətində baş verib. Qeyd olunub ki, dövlət başçısının kolonunda ümumilikdə üç helikopter olub: onlardan ikisi təyinat nöqtəsinə çata bilib.

Vurğulanıb ki, “prezident helikopterində olanlardan bəziləri mərkəzlə əlaqə saxlamağa müvəffəq olub və beləliklə, bu hadisənin itkisiz yekunlaşacağına ümid artıb”.

Məlumata görə, sözügedən hava gəmisinin göyərtəsində ölkənin xarici işlər naziri Hüseyn Əmir-Abdullahian da olub.

Türkiyədə 2009-cu ildən fəaliyyətə başlayan yüksəksürətli qatarlardan (YHT) indiyədək 86 milyon 100 min sərnişin istifadə edib ki, bu da ölkənin ümumi əhali sayından çoxdur.

"Operativ Məlumat Mərkəzi-OMM" xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu bildirib.

Bu qatarlardan gündəlik istifadə edən sərnişin sayının 34-40 min arasında dəyişdiyini qeyd edən nazir ölkənin dəmir yolu şəbəkəsinə qoyulan investisiyaların nə qədər əhəmiyyətli olduğuna diqqət çəkib. O bildirib ki, qeyd olunan nəqliyyat vasitəsi indiyədək 80 milyon 291 min kilometr məsafəni qət edib və bu rəqəm dünya ətrafında təxminən 2003 dəfə dövr etməyə bərabərdir.

Nazir deyib ki, Prezident Rəcəb Tayyib Ərdoğanın liderliyində qoyulan investisiyalar nəticəsində Türkiyə sürətli qatar şəbəkəsinə sahib ölkələr arasında Avropa üzrə altıncı, dünyada isə səkkizinci sıradadır. Hazırda ölkənin dəmir yolu şəbəkəsinin uzunluğu 13 min 919, sürətli qatar şəbəkəsinin uzunluğu isə 2 min 256 kilometrə çatıb. Türkiyənin “Nəqliyyat və Logistika Əsas Planı” hədəfinə uyğun olaraq, ölkədə dəmir yolu şəbəkəsinin 28 min kilometrə çatdırılması nəzərdə tutulur.

Qeyd edilib ki, İnkişaf Yolu Layihəsi, Zəngəzur Dəhlizi, Bakı-Tbilisi-Qars dəmir yolu xətti, Marmaray, eləcə də Yüksəksürətli Qatar və Yavuz Sultan Səlim körpüsünün üzərində inşa olunacaq dəmir yolu xətti kimi layihələr Türkiyənin relsli sistemlərlə bağlı gələcəyə baxışının ən gözəl nümunələridir.

Türkiyənin Van şəhərində, İranla sərhəddəki Başkelə rayonunda hərbi maşın aşıb.

"Operativ Məlumat Mərkəzi-OMM" xəbər verir ki, bu barədə “Haber Global” məlumat yayıb.

Hadisəyə səbəb sürücünün idarəetməni itirməsi olub.

Qəza nəticəsində 11 hərbçi yaralanıb.

Onlardan 6-sının durumunun ağır olduğu bildirilib.

Xəsarət alanlar xəstəxanaya yerləşdiriliblər.

Rusiya Müdafiə Nazirliyi Ukraynanın Xarkov vilayətindəki Staritsa yaşayış məntəqəsi üzərində nəzarəti ələ alıb.

"Operativ Məlumat Mərkəzi-OMM" bu barədə Rusiya Müdafiə Nazirliyinə istinadən xəbər verir.

Nazirlik bildirib ki, qoşunlar ölkənin içərilərinə doğru irəliləyiblər.

Ukraynanın rəsmi qurumları hələ ki, bu bəyanatı şərh etməyiblər.

Krım tatarlarının pozulan hüquqları hələ də bərpa olunmayıb.

"Operativ Məlumat Mərkəzi-OMM" xəbər verir ki, bu, Türkiyə Xarici İşlər Nazirliyinin Krım Tatar Türk xalqının 1944-cü il mayın 18-də sovet hakimiyyəti tərəfindən sürgün edilməsinin 80-ci ildönümü ilə bağlı yaydığı bəyanatda əks olunub.

“80 il əvvəl, bu gün yüz minlərlə Krım tatarı ana vətənlərindən zorla çıxarılaraq müxtəlif ölkələrə sürgün edilib, qeyri-insani davranışlara məruz qalıblar. Nəticədə aralarında yaşlı, uşaq və qadın olmaqla xeyli sayda insan həyatını itirib. Krımın qeyri-qanuni ilhaqı isə yeni kədərlərə səbəb olub”.

Qeyd olunub ki, Türkiyə hər zaman Krım tatarlarının yanında olacaq: “Çərkəz sürgünü” Türkiyənin kədərlə xatırladığı bir başqa faciədir. Bundan 160 il əvvəl mayın 21-də Qafqaz xalqları çox ağır şərtlərlə ana vətənlərini tərk etməyə məcbur qaldılar, çox sayda insan həyatını itirdi. Krım tatarlarının və Qafqazın qardaş xalqlarının kədərlərini paylaşır və xatirələrini hörmətlə anırıq”.