OMM Redaksiyası
UEFA Millətlər Liqasının 2026/2027 mövsümünün C Liqasının 3-cü qrupunda Qazaxıstan və Farer adaları yığmaları üz-üzə gəlib. Astana şəhərindəki “Astana Arena”da keçirilən 4-cü tur oyunu 2:2 hesabı ilə başa çatıb.
Qonaqlar 22-ci dəqiqədə Petur Knudsenin qolu ilə hesabı açıblar. Yoannes Byartalid məhsuldar ötürmə ilə yadda qalıb. 63-cü dəqiqədə Geza David Turi Farer adalarının üstünlüyünü iki topa çatdırıb.
Qazaxıstan yığması 69-cu dəqiqədə Sergey Malının qolu ilə fərqi azaldıb. 76-cı dəqiqədə Maksim Samorodovun ötürməsindən sonra Nurali Alip hesabı bərabərləşdirib.
Matçda iki futbolçu meydandan qovulub: Farer adalarının təmsilçisi Aqnasson 68-ci, Qazaxıstan yığmasının oyunçusu Malı isə 85-ci dəqiqədə qırmızı vərəqə alıb. Beləliklə, Qazaxıstan iki top geridə olduğu görüşdən bir xalla ayrılıb.
