“Qarabağ”ın qapıçısı Andrey Lunyov yenidən Almaniya Bundesliqasında çıxış edə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə 32 yaşlı qolkiperin agenti Anton Smirnov məlumat verib.
O bildirib ki, Leverkuzendə rusiyalı oyunçunu unuda bilmirlər: “Bayer” klubunun idman direktoru Simon Rolfes Andreylə tez-tez maraqlanır. Bu yaxınlarda ona qapıçının “Qarabağ”dakı seyvlərindən ibarət video göndərdim. Andreyin Bundesliqaya qayıtmaq şansı varmı? Bütün təkliflər kluba təqdim edilməlidir. Çünki "Qarabağ"la müqaviləsi var. İndi hansısa təklifdən danışmaq düzgün olmaz. Bütün fikirlər yalnız “Qarabağ”la bağlıdır”.
Qeyd edək ki, Andrey Lunyov “Qarabağ”dan öncə "Bayer"də çıxış edib. O, Almaniya klubunun heyətində 3 oyun keçirib və 4 qol buraxıb. Qolkiper cari mövsümün əvvəlində Ağdam təmsilçisi ilə 1+1 illik müqavilə imzalayıb.
