"Qarabağ" bu gün UEFA Çempionlar Liqasının pley-off mərhələsindəki ilk oyununa çıxır.
"Operativ Məlumat Mərkəzi-OMM"-in məlumatına görə, Qurban Qurbanovun baş məşqçisi olduğu kollektiv İngiltərənin "Nyukasl" klubu ilə qarşılaşacaq.
Gərgin keçməsi gözlənilən oyun Tofiq Bəhramov adına Respublika stadionunda, saat 21:45-də start götürəcək. Matçın baş hakimi funksiyasını norveçli Espen Eskos yerinə yetirəcək.
Tərəflər arasındakı cavab qarşılaşması isə fevralın 24-dən 25-nə keçən gecə, Bakı vaxtı ilə saat 00:00-da İngiltərədə baş tutacaq.
