"Napoli"nin hücumçusu Viktor Osimhen "Qalatasaray" klubuna keçib.
"Operativ Məlumat Mərkəzi-OMM" Türkiyə klubunun rəsmi saytına istinadən xəbər verir ki, "cim-bom" 25 yaşlı nigeriyalını icarəyə götürdüyünü açıqlayıb.
Osimhen yay transfer pəncərəsində klub dəyişdirməyə çalışsa da, heç bir komandaya keçidlə bağlı razılığa gələ bilməyib.
Nəticədə "Napoli" nigeriyalını mövsüm üçün heyətindən kənarlaşdırıb.
Hücumçu 2020-ci ildən neapolluların heyətində çıxış edir. O, komandanın heyətində 133 oyun keçirib, 76 qol vurub və 18 məhsuldar ötürmə edib.
