OMM Redaksiyası
“Qalatasaray” Fransada keçiriləcək Çempionlar Liqasının ümumi mərhələsinin 3-cü turunda “Lill”lə oyun öncəsi UEFA-ya müraciət etməyi planlaşdırır. Dogan nəşrinin məlumatına görə, qarşılaşma oktyabrın 21-də Fransanın “Dekatlon Arena – Pyer-Morua” stadionunda keçiriləcək.
İstanbul klubu səfərə gedəcək nümayəndə heyəti və azarkeşlərin təhlükəsizliyinin təmin olunması üçün UEFA-ya rəsmi sorğu ünvanlamaq niyyətindədir. Bu qərarın Fransada baş vermiş son etirazlarla əlaqəli olduğu bildirilir.
“Qalatasaray” Fransa səfirliyi və Türkiyənin Xarici İşlər Nazirliyi ilə əlaqə saxlayır. Qarşılaşmanın keçiriləcəyi yerin dəyişdirilməsi nəzərdə tutulmur; klub təhlükəsizlik tədbirlərinin gücləndirilməsini istəyir.
Oxşar tədbirlərin PSJ ilə “Barselona” arasındakı oyunda da görüləcəyi gözlənilir.
