Rusiya prezidenti Vladimir Putin hesab edir ki, Vladimir Zelenski Rusiya ilə danışıqlarla bağlı qərar verməkdə azaddır.
"Operativ Məlumat Mərkəzi-OMM" xəbər verir ki, o bunu amerikalı jurnalist Taker Karlsona müsahibəsində deyib.
Rusiya liderinin sözlərinə görə, Zelenski bu məsələdə Qərbdən azaddır.
"Bilmirəm. Orada təfərrüatlar var, əlbəttə ki, mühakimə yürütmək mənim üçün çətindir. Amma hər halda, düşünürəm ki, belədir", - deyə prezident əlavə edib.
Putin əlavə edib ki, Zelenski hakimiyyətə gəldikdən sonra “iki şeyi başa düşüb”. Birincisi, neonasistlər və millətçilərlə mübahisə etməmək daha yaxşıdır, çünki onlar aqressiv və gözlənilməzdirlər. Həmçinin, Putinin sözlərinə görə, Zelenski başa düşür ki, ABŞ başda olmaqla Qərb onları dəstəkləyir və Rusiya ilə döyüşənləri həmişə dəstəkləyəcək, çünki bu, sərfəli və təhlükəsizdir.
Ona görə də Zelenski xalqına Ukraynada müharibəni dayandıracağına söz versə də, bu mövqedən çıxış edib. Putin bu yolla seçicilərini aldatdığını bəyan edib.
