Putin və Tokayev birgə layihələrin həyata keçirilməsini müzakirə ediblər

Rusiya prezidenti Vladimir Putin və qazaxıstanlı həmkarı Kasım-Jomart Tokayev telefon danışığında birgə layihələrin həyata keçirilməsini müzakirə ediblər.

"Operativ Məlumat Mərkəzi-OMM" xəbər verir ki, bu barədə Kremlin mətbuat xidmətindən məlumat verilib.

"Fevralın 21-də Kazanda keçirilən görüşdə fikir mübadiləsini davam etdirən ikili ikitərəfli gündəliyin bəzi cari məsələlərini müzakirə edib, əsas diqqət ticarət-iqtisadiyyat, nəqliyyat-logistika və enerji sahələrində birgə layihələrin həyata keçirilməsinə yönəlib. Tərəflər Rusiya və Qazaxıstan arasında müttəfiqlik və strateji tərəfdaşlıq münasibətlərini hərtərəfli gücləndirməkdə qarşılıqlı əzmlərini təsdiq ediblər".

Liderlər beynəlxalq gündəlikdəki aktual məsələlər ətrafında da fikir mübadiləsi aparıblar.