Moskvada baş tutan Rusiya-Ermənistan danışıqları çərçivəsində Rusiya Prezidenti Vladimir Putin və Ermənistanın Baş naziri Nikol Paşinyan arasında xüsusi görüş keçiriləcək. Liderlər rəsmi müzakirələrdən sonra ünsiyyəti işgüzar səhər yeməyi zamanı təkbətək formatda davam etdirəcəklər.
“Operativ Məlumat Mərkəzi-OMM” Rusiya KİV-nə istinadən xəbər verir ki, bu barədə məlumatı Rusiya prezidentinin mətbuat katibi Dmitri Peskov jurnalistlərə açıqlamasında təsdiqləyib.
Onun sözlərinə görə, hazırda Nikol Paşinyan Moskvada işgüzar səfərdədir və bu səfər çərçivəsində ikitərəfli danışıqların aparılması planlaşdırılıb.
"Bu gün Rusiya və Ermənistan arasında danışıqlar aparılacaq. Daha sonra iki lider işgüzar səhər yeməyi zamanı təkbətək formatda ünsiyyəti davam etdirəcəklər", - deyə Dmitri Peskov qeyd edib.
