Sovet xalqının soyqırımını inkar etməyə görə cinayət məsuliyyəti rəsmiləşdi: Rusiya Prezidenti Vladimir Putin bununla bağlı yeni qanunu imzalayıb.
“Operativ Məlumat Mərkəzi-OMM” xəbər verir ki, qanuna görə, sovet xalqının soyqırımı qurbanlarının dəfn yerlərinin, habelə Rusiya ərazisində və ya onun hüdudlarından kənarda abidələrin və digər memorial tikililərin dağıdılmasına, zədələnməsinə və ya təhqir olunmasına görə 5 ilədək müddətə azadlıqdan məhrumetmə cəzası nəzərdə tutulur.
Qanunda sovet xalqının soyqırımı faktının inkarına və ya təsdiqinə və onun qurbanlarının xatirəsini təhqir etməyə görə 3 ilədək müddətə azadlıqdan məhrumetmə məsuliyyəti müəyyən edilib.
Qeyd edək ki, müvafiq qanun layihəsi bu ilin 24 mart tarixində Rusiya Dövlət Dumasında qəbul olunub.
