Rusiya Prezidenti Vladimir Putin Mixail Mişustinin Baş nazir təyin edilməsi haqqında fərman imzalayıb.

"Operativ Məlumat Mərkəzi-OMM" xəbər verir ki, bu barədə Kremlin mətbuat xidməti məlumat yayıb.

Fərman imzalandığı gündən qüvvəyə minir.

Bundan əvvəl Dövlət Duması Mixail Mişustini yenidən Rusiyanın Baş naziri vəzifəsinə təsdiqləyib. Sonra M.Mişustinin bu vəzifəyə təyin edilməsi ilə bağlı Dövlət Dumasının müvafiq qətnaməsi Prezident Vladimir Putinə göndərilib.

İran Prezidenti İbrahim Rəisi və onu müşayiət edən rəsmi şəxslərin helikopter qəzası nəticəsində həlak olması ilə əlaqədar Türkiyədə birgünlük matəm elan edilib.

"Operativ Məlumat Mərkəzi-OMM" xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində bildirib.

“İran prezidentinin vəfatı ilə əlaqədar İran xalqı ilə dərin hüznünü bölüşmək üçün ölkəmizdə birgünlük matəm elan etmək qərarına gəldik”, - deyə Ərdoğan bildirib.

Rusiyanın paytaxtı Moskva şəhərinin Krasnodarskaya küçəsində yerləşən “Aşkım” restoran və ziyafət zalında güclü yanğın olub.

"Operativ Məlumat Mərkəzi-OMM" xəbər verir ki, bu barədə “Shot Telegram” kanalı məlumat yayıb.

Yanğın 350 kvadratmetr ərazini əhatə edib. Restoranın damı qismən uçub, işçilər və ziyarətçilər, ümumilikdə 12 nəfər oradan özləri çıxıb.

Təcili yardım xidmətləri hadisə yerindədir. Restoranın azərbaycanlılara məxsus olduğu deyilir.

İranın xarici işlər naziri vəzifəsini müvəqqəti icra edən Əli Baqiri Qəni XİN Müavinləri Şurasının iclasını keçirib.

"Operativ Məlumat Mərkəzi-OMM" xəbər verir ki, bu barədə nazirliyin rəsmi teleqram kanalında dərc olunmuş məlumatında deyilir.

Məlumata görə, nazirlikdə qarşıdakı proqramlar və diplomatik görüşlərlə bağlı lazımi razılıqlar əldə edilib.

İranda prezident seçkilərinin keçiriləcəyi tarix açıqlanıb.

"Operativ Məlumat Mərkəzi-OMM" İran KİV-ə istinadən xəbər verir ki, bu barədə İran Seçki Qərargahının mətbuat katibi Möhsün Eslami bildirib.

O, həmçinin seçkilərdə iştirak edəcək namizədlərin mayın 28-dən qeydiyyata alınmasına başlanılacağını söyləyib.

Xatırladaq ki, mayın 19-da İran Prezidenti İbrahim Rəisini daşıyan helikopter İran-Azərbaycan sərhədi yaxınlığındakı Varziqan şəhəri yaxınlığında sərt eniş edib. Qəzada prezident helikopterinin bütün sərnişinləri və ekipaj üzvləri ölüb.

İran Konstitusiyasına əsasən, 50 gün ərzində təşkil edilməli olan seçkilərədək prezidentin səlahiyyətlərini birinci vitse-prezident icra edəcək.

Rusiya Prezidenti Vladimir Putin müdafiə nazirinin müavinini dəyişib.

"Operativ Məlumat Mərkəzi-OMM" xəbər verir ki, bu barədə övlət başçısı bu gün fərman imzalayıb.

Prezident Yuri Sadovenkonu vəzifəsindən azad edərək digər fərmanla Hesablama Palatasının auditoru Oleq Savelyev müdafiə nazirinin müavini təyin edib.