"Bavariya"nın baş məşqçisi ilə mübahisə edən almaniyalı yarımmüdafiəçi Coşua Kimmix karyerasını başqa Avropa çempionatında davam etdirə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, ulduz yarımmüdafiəçi Fransanın PSJ klubuna keçə bilər.
Paris nəhəngləri Çoşuanı yay transfer pəncərəsində heyətlərinə qatmaq istəyirlər.
Kimmixin "Bavariya" ilə hazırkı müqaviləsi 2025-ci ildə başa çatır.
Almaniyalının transfer dəyəri 75 milyon avro olaraq qiymətləndirilir.
2023/2024 mövsümündə yarımmüdafiəçi "Bavariya"nın heyətində 25 oyun keçirib. Onun hesabında bir qol və altı məhsuldar ötürmə var.
