Futbol üzrə Azərbaycan Premyer Liqasında XXX turun daha bir oyunu keçirilib.

"Operativ Məlumat Mərkəzi-OMM"-in məlumatına görə, günün ilk matçı Qəbələdə baş tutub.

Şəhərin eyniadlı komandası "Turan Tovuz"u qəbul edib.

Qarşılaşma qonaqların qələbəsi bitib - 2:1. 49-cu dəqiqədə "Qəbələ"nin futbolçusu Əyyub Allaş hesabı açıb. 81-ci dəqiqədə Aleks Souza bərabərlik qolunu vurub. 90+5-ci dəqiqədə Belajdi Pusi görüşdə son nötqəni qoyub.

Sonuncu - 10-cu pillədə qərarlaşan "Qəbələ" 15 xalda qalıb. Qonaqlar hələlik 42 xalla 5-ci yerdədir.

Qeyd edək ki, günün ikinci görüşündə "Neftçi" "Araz-Naxçıvan"ı sınağa çəkəcək. Ötən gün "Sumqayıt" - "Zirə" qarşılaşması qolsuz başa çatıb. Tura aprelin 14-də yekun vurulacaq.

Azərbaycanın 21 yaşadək futbolçulardan ibarət milli komandası Avropa çempionatının seçmə mərhələsində növbəti oyununa çıxıb.

"Operativ Məlumat Mərkəzi-OMM" xəbər verir ki, Samir Əliyevin başçılıq etdiyi komanda IX turda Şimali İrlandiyanın müvafiq yaş qrupundan ibarət kollektivi ilə qarşılaşıb.

Ballimena şəhərindəki “The Showgrounds” stadionunda keçirilən görüş ev sahiblərinin 5:0 hesablı qələbəsi ilə yekunlaşıb.

Qeyd edək ki, 9 oyundan sonra Azərbaycan yığması 3 xalla qrupda sonuncu - altıncı, Şimali İrlandiya isə 10 xalla dördüncüdür.

Baş məşqçi axtarışları davam edən “Neftçi” türkiyəli çalışdırıcı ilə danışıqlar aparıb.

"Operativ Məlumat Mərkəzi-OMM" xəbər verir ki, bu barədə “Fanatik” nəşri məlumat yayıb.

Məlumata görə, klub nümayəndələri Abdullah Avcı ilə görüş keçirib. Səudiyyə Ərəbistanı klublarından da təklif alan Avcı “Neftçi”dən vaxt istəyib.

Təcrübəli çalışdırıcının qısa zamanda qərarını verəcəyi gözlənilir.

Qeyd edək ki, Abdullah Avcının son iş yeri “Trabzonspor” olub. O, Qara dəniz təmsilçisi ilə 2021/2022 mövsümündə Türkiyə Super Liqasının qalibi olub. Avcı bu ilin avqust ayında klubdan ayrılıb.

Xatırladaq ki, bundan əvvəl Bakı təmsilçisinin bosniyalı Sergey Yakiroviçlə razılığa gəldiyi deyilirdi.

Almaniya yığmasının Türkiyə əsilli sabiq üzvü, dünya çempionu Məsut Özil "Zirə" klubunun qonağı olub.

"Operativ Məlumat Mərkəzi-OMM" xəbər verir ki, görüşdə Bakı təmsilçisinin Muşahidə Şurasının sədri Orxan Məmmədov və əsas komandanın baş məşqçisi Rəşad Sadıqov iştirak ediblər.

Keçmiş yarımmüdafiəçi Zirə İdman Kompleksində klubun U-19 komandası ilə görüşüb və futbolçulara öz tövsiyələrini verib.

Qeyd edək ki, Mesut Özil karyerası ərzində Almaniyada "Şalke 04", "Verder", İspaniyada "Real", İngiltərədə "Arsenal", Türkiyədə "Fənərbağça" və "Başakşehir" kimi klubların formasını geyinib. O, 2014-cü ildə Almaniya yığması ilə dünya çempionu olub.

Bu gün 21 yaşadək futbolçulardan ibarət Azərbaycan millisi Avropa çempionatının seçmə mərhələsində Şimali İrlandiya ilə üz-üzə gələcək.

"Operativ Məlumat Mərkəzi-OMM"-in məlumatına görə, matç Ballimena şəhərində yerləşən “Şouqraunds” stadionunda təşkil olunacaq.

Görüş Bakı vaxtı ilə saat 18:00-da start götürəcək. Oyunu Farer adalarından olan Heini Ziskason Vidoy idarə edəcək.

Qeyd edək ki, F qrupunda 9 matç keçirən komandalardan Ukrayna 24 xalla liderdir. İngiltərə 22 xalla ikinci, Serbiya 13 xalla üçüncü, Lüksemburq 7 xalla dördüncü sıradadır.

8 qarşılaşmada 7 xal toplayan Şimali İrlandiya 5-ci, 3 xala malik Azərbaycanın U-21 yığması isə sonuncu pillədə qərarlaşıb.

Azərbaycan yığması UEFA Millətlər Liqasında səfərdə Estoniya millisinə məğlub olub.

"Operativ Məlumat Mərkəzi-OMM" xəbər verir ki, C Liqasının I qrupundakı qarşılaşmada yığmamız 1:3 hesabı ilə uduzub.

Tallində gerçəkləşən matçda hesabı meydan sahiblərindən 32-ci dəqiqədə İoan Yakovlev açıb. 45+ 1-ci dəqiqədə yığmamız hesaba tarazlıq gətirib. Toral Bayramov penalti zərbəsini dəqiq yerinə yetirib. Bununla belə, Estoniya fasiləyə üstün yollanmağı bacarıb. 45+2-ci dəqiqədə Vlasiy Sinyavski Mehdi Cənnətovun qoruduğu qapıya yol tapıb. Qarşılaşmada yekun hesabı 71-ci dəqiqədə fərqlənən Rokko Robert Şeyn təyin edib.

Qeyd edək ki, Fernandu Santuşun rəhbərlik etdiyi yığma Millətlər Liqasında növbəti oyununu oktyabrın 14-də Slovakiyaya qarşı keçirəcək. Tofiq Bəhramov adına Respublika stadionunda baş tutacaq matç saat 20:00-da start götürəcək.