Polşanın xarici işlər naziri Radoslav Sikorski Rusiya Prezidenti Vladimir Putini Macarıstanda keçiriləcək zirvəyə gedərkən ölkəsinin hava məkanından keçməməsi ilə bağlı xəbərdar edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlmat yayıb.
“Müstəqil Polşa məhkəməsinin belə bir təyyarənin endirilməsi və şübhəlinin Haaqadakı məhkəməyə təhvil verilməsi barədə hökumətə göstəriş verməyəcəyinə dair heç bir zəmanət verə bilmərəm”, - o qeyd edib.
Sikorski Rusiyanın bu riskin fərqində olduğunu düşündüyünü bildirərək, təyyarənin fərqli bir marşrutdan istifadə edəcəyini qeyd edib.
Sikorski həmçinin əlavə edib ki, Rusiya Macarıstana Türkiyə, Monteneqro və Serbiya hava məkanları üzərindən çata bilər.
