Afət Ziyadqızı
Polşada pensiya yaşının artırılması məsələsi referenduma çıxarılacaq.
"Operativ Məlumat Mərkəzi-OMM" yerli KİV-ə istinadən xəbər verir ki, bu barədə ölkənin keçmiş baş naziri, Avropa Parlamentinin üzvü Beata Şidlo bildirib.
Avropa Parlamentinin deputatı xatırladıb ki, hazırda Polşada pensiya yaşı qadınlar üçün 60, kişilər üçün isə 65-dir.
Həmçinin oktyabrın 15-nə təyin edilmiş parlament seçkiləri ilə eyni vaxtda ölkədə miqrantların Avropaya köçürülmə proqramı çərçivəsində qəbulu məsələsi ilə bağlı referendumun keçirilməsi nəzərdə tutulub. Polşanın hakim partiyasının sədri Yaroslav Kaçinski dövlət müəssisələrinin özəlləşdirilməsi məsələsində polyakların fikrini öyrənməyi təklif edib. Hələlik hakimiyyət eyni vaxtda üç referendum keçirib-keçirməyəcəyini açıqlamayıb.
