Polşa ABŞ Dövlət Departamentindən “Patriot” hava hücumundan müdafiə sistemlərində istifadə olunan raketlərin istehsalı ilə bağlı ilkin razılıq əldə edib. Müdafiə nazirinin müavini Sezari Tomçikin sözlərinə görə, Polşanın müdafiə sənayesi bu raketləri istehsal etmək üçün kifayət qədər texniki imkanlara malikdir.
Tomçik qeyd edib ki, layihə çərçivəsində Polşa və ABŞ arasında birgə konsorsiumun yaradılması nəzərdən keçirilir: “Bu, hər iki tərəf üçün iqtisadi səmərə verəcək ortaq istehsal prosesidir”.
Sözügedən ilkin razılaşma may ayında Polşa Müdafiə Nazirliyinin rəsmiləri Sezari Tomçik və Pavel Zalevskinin ABŞ-yə etdikləri səfər zamanı əldə olunub. Söhbət konkret olaraq aşağıdakı texnologiyadan gedir:
- PAC-3 MSE tipli uzaqmənzilli raket-tutucular.
