Afət Ziyadqızı
Ermənistanın Baş naziri Nikol Paşinyan keçirdiyi brifinqdə Azərbaycan hərbçisinin ekstradisiyası məsələsinə toxunub. Hökumət rəhbəri bildirib ki, hazırda bu barədə hər hansı müzakirə aparılmır və Bakı tərəfindən rəsmi ekstradisiya tələbi irəli sürülməyib.
"Operativ Məlumat Mərkəzi-OMM" xəbər verir ki, Paşinyan Azərbaycan tərəfinin hadisə ilə bağlı öz xətti ilə cinayət işi başladacağını istisna etməyib.
O, hərbçinin Ermənistanda daimi qalacağını iddia etmədiyini, hazırda hüquq-mühafizə organları tərəfindən istintaq tədbirlərinin davam etdirildiyini və yekun qərarın məhkəmə tərəfindən veriləcəyini vurğulayıb.
