Böyük Britaniya rusiyalı idmançıların 2024-cü ildə Fransanın paytaxtı Parisdə keçiriləcək Yay Olimpiya Oyunlarında iştirakına qarşıdır.
"Operativ Məlumat Mərkəzi - OMM" "Sky News"a istinadən xəbər verir ki, bu barədə Krallığın baş naziri Rişi Sunakın rəsmi nümayəndəsi məlumat verib.
O, Böyük Britaniyanı məsələ ilə bağlı mövqeyinin bəlli olduğunu deyib:
"Bizim və bir çox ölkənin aydın mövqeyi var. Eyni səslə danışmağa davam etməliyik və bunu Beynəlxalq Olimpiya Komitəsinə çatdırmalıyıq".
Paris-2024 Yay Olimpiya Oyunları iyulun 26-dan avqustun 11-dək təşkil ediləcək.
