Pakistanlı strateji məsələlər və Yaxın Şərq üzrə tədqiqatçı ölkəsinin İran İslam Respublikası ilə münasibətlərini qiymətləndirib.
"Operativ Məlumat Mərkəzi-OMM" xəbər verir ki, ekspert Pakistan və İran arasında əlaqələrin yalnız coğrafi yaxınlıqla məhdudlaşmadığını, bunun regional diplomatiyanın daha geniş reallıqlarını əks etdirdiyini bildirib.
Mütəxəssisin sözlərinə görə, Tehranla sabit və möhkəm münasibətlərin qorunması İslamabadın uzunmüddətli strateji prioritetlərindən biridir.
O qeyd edib ki, bu yanaşma hər iki ölkənin regional təhlükəsizlik, siyasi əməkdaşlıq və qarşılıqlı maraqlar əsasında əlaqələrin inkişafına verdiyi əhəmiyyəti göstərir.
Ekspertin fikrincə, Pakistan və İran arasında konstruktiv dialoqun davam etdirilməsi regionda sabitliyin möhkəmləndirilməsi və qarşılıqlı əməkdaşlığın genişləndirilməsi baxımından mühüm əhəmiyyət daşıyır.
