Pakistanın keçmiş baş naziri İmran Xan paytaxt İslamabadda hərbiləşdirilmiş qoşunlar tərəfindən həbs edilib.
"Operativ Məlumat Mərkəzi-OMM" xarici KİV-ə istinadən xəbər verir ki, Xanın niyə həbs olunduğu hələ də aydın deyil, ona qarşı 90-dan çox iddia qaldırılıb.
Xan mayın 7-də verdiyi açıqlamada ona qarşı sui-qəsdin arxasında baş nazir Şahbaz Şərif, daxili işlər naziri Rana Sanaullah və Xidmətlərarası Kəşfiyyatın (İŞİ) rəis müavini general-mayor Faysal Nasirin dayandığına dair iddialarını davam etdirib.
