Pakistanın Kəraçi şəhərində siyasi partiya tərəfdarları arasında baş verən qarşıdurmada 1 nəfər ölüb, 1 nəfər yaralanıb.
"Operativ Məlumat Mərkəzi-OMM" xəbər verir ki, bu barədə "Geo News" məlumat yayıb.
Məlumata əsasən, Nazimabad bölgəsində Xalq Partiyası (PPP) ilə Birləşmiş Xalq Hərəkatı Partiyasının (MQM-P) tərəfdarları arasında toqquşma baş verib.
Hadisə zamanı ərazidə olan 2 avtomobil şəxsiyyəti hələlik müəyyən edilməyən şəxslər tərəfindən yandırılıb.
Xatırladaq ki, Pakistanda fevralın 8-də ümumi seçkilər keçiriləcək.
