Pakistanın Xayber Paxtunxva əyalətinin Kurram rayonunda kömür şaxtasında baş vermiş partlayış nəticəsində azı 4 şaxtaçı yaralanıb, 2 nəfər itkin düşüb.

"Operativ Məlumat Mərkəzi-OMM" TASS-a istinadən xəbər verir ki, bu barədə “Express Tribune” qəzeti məlumat yayıb.

Bildirilib ki, hadisə aprelin 28-də rayonun mərkəzi hissəsində baş verib. Partlayış nəticəsində 6 şaxtaçı dağıntılar altında qalıb. Hadisənin səbəbi hələ müəyyən edilməyib.

Hadisə yerində xilasetmə əməliyyatı davam edir. Dörd şaxtaçı xilas edilərək yaxınlıqdakı xəstəxanaya çatdırılıb.

Ukrayna Prezidenti Volodimir Zelenski ölkəsində ciddi daxili vəziyyətə görə İspaniya və Portuqaliyaya səfərini ləğv edib.

"Operativ Məlumat Mərkəzi-OMM" xəbər verir ki, bu barədə “CNN Portugal” məlumat yayıb.

Bildirilib ki, Kiyev cəbhə xəttinin bir neçə hissəsində, xüsusən Xarkov vilayətində çətin vəziyyətlə üzləşib. Buna görədə Ukrayna nümayəndə heyətinin xaricə səfəri məqsədəuyğun hesab edilməyib.

Bu arada, İspaniya tərəfi də öz növbəsində monarx VI Filipp və Zelenski arasında mayın 17-nə planlaşdırılan görüşün ləğvi barədə məlumat verib.

Amerika Birləşmiş Ştatları ölkənin ən böyük qeyri-nüvə bombası olan "GBU-57"-nin istehsalını artırır.

"Operativ Məlumat Mərkəzi-OMM" xəbər verir ki, bu barədə “Bloomberg“ məlumat yayıb.

Bildirilib ki, ABŞ hərbi rəhbərliyi Oklahoma ştatının cənub-şərqində ordu zavodunun genişləndirilməsi layihəsini artıq hazırlayıb.

Zavod 2024-cü ilin payızına qədər pik nöqtəsinə çatmalıdır.

Zavodda yüksək dəqiqliyə malik “GBU-57” bombası istehsal ediləcək.

Sözügedən bomba “Massive Ordnance Penetrator” adi ilə də tanınır.

Partlamazdan əvvəl 61 m dərinliyə qədər yerə nüfuz edə bilən bomba güclü şəkildə möhkəmləndirilmiş yeraltı hərbi obyektləri məhv etmək üçün nəzərdə tutulub.

İngiltərə müdafiə naziri Qrant Şapps Kral Dəniz Piyadaları üçün 6 yeni döyüş gəmisi inşa edəcəklərini açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Böyük Britaniyanın müdafiə xərclərini böyük ölçüdə artırdığı üçün bu gəmilərin inşasının mümkün olduğuna işarə edən Şapps, bunun Britaniya gəmiqayırma sənayesi üçün yeni bir qızıl dövrü təmsil etdiyini söyləyib.

İngiltərə Müdafiə Nazirliyindən verilən açıqlamada, daha təhlükəsiz gələcək üçün Kral Donanmasının gəmiqayırma proqramının 28 gəmi və sualtı qayığa çatdırılacağı qeyd edilib.

Avropa İttifaqı (Aİ) ölkənin müharibədən sonrakı bərpası, yenidən qurulması və modernləşdirilməsi və Aİ çərçivəsində həyata keçirməyi planlaşdırdığı islahatlar üçün növbəti 4 il ərzində Ukraynaya müntəzəm ödənişləri nəzərdə tutan “Ukrayna Planı”nı təsdiqləyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Bugünkü qərardan sonra Aİ Komissiyası 1 milyard 890 milyon avroya qədər ilkin maliyyələşdirməni təmin edəcək, qalan məbləğ isə Ukraynanın üzərinə götürdüyü şərtlərin yerinə yetirilməsindən asılı olaraq veriləcək.

Bəyanatda deyilir ki, bu şərtlərə Ukraynanın çoxpartiyalı parlament sistemi və qanunun aliliyi də daxil olmaqla, effektiv demokratik mexanizmləri dəstəkləməyə və onlara hörmət etməyə davam etməsi, insan hüquqlarına hörmətin təmin edilməsi, qanunun aliliyinin gücləndirilməsi, məhkəmə sisteminin müstəqilliyinə dəstək, dövlət idarəçiliyi islahatları və korrupsiyaya qarşı mübarizə, çirkli pulların yuyulmasına qarşı mübarizə aparması daxil edilib.

İrlandiyanın paytaxtında Dublin Universitetinin kampusunda Qəzza tərəfdarı tələbələrin təşkil etdiyi düşərgə etirazları davam edir.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Nümayişlərin 4-cü günü tələbələr kampusda qurduqları çadırların üzərinə “Sionist hökmdar vəhşiliyi normallaşdırır” və “Fələstinin istismarını dayandırın” ifadələrini yazıblar.

Tələbələr əllərində "Çaydan dənizə Fələstini azad edin", "Gözlər firavanlıqda", "Fələstin azad olana qədər azadlıq yoxdur" və "Hamımız fələstinliyik" yazılı lövhələr daşıyıblar.