Pakistanda 8 nəfərin ölümü ilə nəticələnən yol qəzası baş verib

Pakistanda sərnişin avtobusu, neft tankeri və pikapın toqquşması nəticəsində 8 nəfər ölüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qəzada 7-si ağır olmaqla 28 nəfər yaralanıb. Yaralıların xəstəxanada müalicəsi davam edərkən, səlahiyyətlilər can itkisinin artacağından narahat olduqlarını bildirib.

Hadisə şahidləri xilasetmə işlərinin gec başladığını iddia etsə də, xilasetmə işlərinə ərazidəki mülki şəxslərlə yanaşı, polisin də qatıldığını bildiriblər.