OMM Redaksiyası
Pakistanın "Shalamar" neft tankeri Amerika blokadası başlayandan bəri Hörmüz boğazından keçməyi bacarıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, ötən gün Şalamar gəmisi İranın Larak adasının cənubundan keçərək BƏƏ-dəki Das adasında yüklənmiş təxminən 450.000 barel neftlə Oman körfəzinə daxil olub.
Tanker yalnız yarısı dolu idi və Karaçi limanı onun təyinat yeri kimi göstərilmişdi.
Qeyd olunub ki, Shalamar tankeri Pakistan Milli Gəmiçilik Korporasiyasına məxsusdur və bu şirkət tərəfindən idarə olunur.
ABŞ ordusu əvvəllər bildirmişdi ki, blokada Hörmüz boğazına deyil, İran limanlarına və sahil ərazilərinə şamil edilir. ABŞ-nin məlumatına görə, boğazdan keçid yalnız İran limanlarından yola düşən və ora gedən gəmilərlə məhdudlaşdırılıb.
