OMM Redaksiyası
"Pakistan ABŞ-nin dəniz blokadasının nəticələrinin öhdəsindən gəlməkdə İrana kömək edib, yükdaşımaların həyata keçirilməsi üçün limanlarını, terminallarını və nəqliyyat dəhlizlərini açıb".
“Operativ Məlumat Mərkəzi-OMM” xəbər verir ki, bu sözləri İran parlamentinin milli təhlükəsizlik və xarici siyasət komitəsinin üzvü Fəda-Hüseyn Maleki deyib.
“Onlara elə gəlir ki, amerikalılar təchizat yollarımızı kəsmək və ölkə iqtisadiyyatını iflic etmək üçün hərbi varlıqlarını gücləndiriblər, sahili və Hörmüz boğazını mühasirəyə alıblar. Lakin bu addımlara cavab olaraq Pakistan hökuməti strateji qərar çərçivəsində İran üçün altı həyati əhəmiyyətli ticarət dəhlizini, o cümlədən limanları, dəniz marşrutlarını və quru terminallarını açmaq barədə göstəriş verib”, -o qeyd edib.
Malekinin sözlərinə görə, İslamabad İrana Qasim, Karaçi və Qvadar limanlarından istifadə etməyə icazə verib və bu limanlar faktiki olaraq İran gəmilərinin istifadə etdiyi BƏƏ-dəki Cəbəl-Əli limanını əvəz edib.
