Kahramanmaraş mərkəzli zəlzələlərdə Osmaniyedə dağılan 651 binadan 476-da dağıntıların çıxarılması işləri tamamlanıb.
"Operativ Məlumat Mərkəzi-OMM" Türkiyə mediasına istinadən xəbər verir ki, zəlzələlərdə şəhər mərkəzində və rayonlarda 651 bina dağılıb, 1010 nəfər həyatını itirib.
Zəlzələlərdə dağılmış binalardan 476-nın qalıqları axtarış-xilasetmə işləri başa çatdıqdan sonra tamamilə çıxarılıb, 175-də isə işlər davam edir.
Zəlzələlər nəticəsində böyük ziyan görən 500 binanın hamısı nəzarətli şəkildə sökülüb. Bu binalardan 301-də dağıntıların təmizlənməsi işləri başa çatdırılıb, 199-da isə davam etdirilir. Şəhərdə ağır və orta dərəcədə dağıntılı 10 min 226 ev var.
