Azərbaycan Respublikası Müdafiə Nazirliyi fevral ayı ərzində gənc əsgərlərin yaxınları ilə görüş tarixlərini və qaydalarını elan edib.
"Operativ Məlumat Mərkəzi-OMM" xəbər verir ki, hərbi hissələrdə ziyarət günləri məhdud çərçivədə təşkil olunacaq.
Nazirlikdən verilən məlumata əsasən, gənc əsgərlərlə görüşlər yalnız 15 və 22 fevral tarixlərində baş tutacaq.
Görüşlərə yalnız şəxsiyyəti təsdiq edən sənədi təqdim edən və əsgərin birinci dərəcəli yaxın qohumu olan şəxslər buraxılacaq. Buraya daxildir:
- Valideynlər (ata və ana);
- Həyat yoldaşı və övladlar;
- Baba və nənələr;
- Doğma və ögey (eyni ata və ya anadan olan) qardaş və bacılar.
Hərbi qulluqçuların sağlamlığının qorunması və sanitar-gigiyenik qaydalara əməl olunması məqsədilə ziyarətçilərə mühüm xəbərdarlıq edilib:
Görüşlər zamanı hərbi hissəyə kənardan hər hansı qida və ya ərzaq məhsullarının gətirilməsi qəti şəkildə qadağandır.
