Ermənistanın Baş naziri Nikol Paşinyan Bişkekdə keçirilən Şanxay Əməkdaşlıq Təşkilatının (ŞƏT) sammiti çərçivəsində Hindistanın Baş naziri Narendra Modi ilə görüşüb.
“Operativ Məlumat Mərkəzi – OMM” xəbər verir ki, Ermənistan hökumətinin mətbuat xidmətinin məlumatına görə, görüş zamanı tərəflər ikitərəfli əməkdaşlıq gündəliyini müzakirə ediblər.
Hindistan mətbuatının yaydığı məlumatlara əsasən, liderlər qarşılıqlı maraq doğuran məsələlər, həmçinin regional və qlobal vəziyyətlə bağlı fikir mübadiləsi aparıblar.
Görüşün digər detalları barədə rəsmi açıqlama verilməyib.
Qeyd edək ki, Nikol Paşinyan ŞƏT sammitində iştirak etmək üçün Qırğızıstana iki günlük rəsmi səfərə yollanıb.
Bununla yanaşı, Ermənistanın müdafiə naziri Suren Papikyan Hindistanın Milli Müdafiə Kollecinin komandanı, aviasiya marşalı Maniş Kumar Guptanın rəhbərlik etdiyi nümayəndə heyətini qəbul edib.
Görüşdə Ermənistan-Hindistan hərbi əməkdaşlığı ilə bağlı məsələlərin də müzakirə edildiyi bildirilib.
Xatırladaq ki, sammit çərçivəsində Nikol Paşinyanın Rusiya Prezidenti Vladimir Putinlə də görüşü planlaşdırılır.
