Türk Dövlətləri Təşkilatı daxilində ümumilikdə, 35-ə yaxın əməkdaşlıq istiqamətləri mövcuddur.
"Operativ Məlumat Mərkəzi-OMM" xəbər verir ki, bunu Azərbaycanın xarici işlər naziri Ceyhun Bayramov ilin yekunlarına dair keçirilən mətbuat konfransında suallara cavab verərkən deyib.
“TDT kontekstində ən müxtəlif sahələrdə intensiv əməkdaşlıq etmişik və 2025-ci ildə bu əməkdaşlıqda yeni istiqamətlərin şahidi olduq. Mülki müdafiə, fövqəladə hallar sahələri ötən il bu istiqamətlərə əlavə edildi. Yalnız 2025-ci ildə Azərbaycan Türkiyədə 18 ikitərəfli və çoxtərəfli təlimdə iştirak edib. Türkiyə Azərbaycanda 4 hərbi təlimdə iştirak edib. Həmçinin Özbəkistanda da təlimlərdə iştirak etmişik. Düşünürəm ki, təlimlərin Azərbaycanda keçirilməsi bütün TDT üzvlərinin maraqlarına uyğundur və gələcəkdə bu təlimlərə TDT üzvü olmayan ölkələr də qoşula bilər”, - Ceyhun Bayramov bildirib.
