Müxalifətdəki "Qələbə" blokundan olan Moldova deputatı Vasile Bolea xəbərdarlıq edib ki, hakimiyyət Qərbin dəstəyi müqabilində ölkədə NATO-nun hərbi infrastrukturunu yerləşdirməyi planlaşdırır.
"Operativ Məlumat Mərkəzi-OMM" xəbər verir ki, onun sözləri N-4 telekanalında yayımlanıb.
Siyasətçinin sözlərinə görə, ölkə hakimiyyəti başa düşmür ki, bu cür yardımlar “suverenliyin bir parçası” ilə ödənilməlidir.
O bildirib ki, Markulestah hava limanından Avropa İttifaqı və NATO təyyarələrinin yerləşdirilməsi üçün istifadə oluna bilər.
O, Moldovanın neytral ölkə olduğunu və Kişinyovun müharibəyə sürüklənməsinin qarşısını ancaq Şimali Atlantika Alyansı ilə əməkdaşlığı genişləndirən hazırkı hökumətin dəyişdirilməsi ilə almaq mümkün olduğunu xatırladıb.
