2023-cü il yanvarın 1-dən Azərbaycanda minimum aylıq əməkhaqqı 300 manatdan 345 manata, minimum pensiya isə 240 manatdan 280 manata qaldırılıb. Artıq son artımın üzərindən 2 ilə yaxın bir müddət keçir. Hər kəsi maraqlındar sual isə odur ki, minimum əməkhaqqı və minimum pensiya nə vaxt və nə qədər artırılacaq?

Ötən gün əhaliyə şad xəbəri Prezident İlham Əliyev verdi. Dövlət başçısı Milli Məclisdə çıxışı zamanı artıq göstəriş verildiyini, gələn ildən minimum əməkhaqqı və minimum pensiyanın artırılacağını dedi.

Bəs gəlin görək minimum əməkhaqqı və minimum pensiya nə qədər artırılacaq?

Məsələ ilə bağlı "Operativ Məlumat Mərkəzi-OMM"-ə açıqlama verən iqtisadçı-ekspert Elşad Məmmədov deyir ki, minimum əməkhaqqının nə qədər artırılacağı ilə bağlı məsələ Prezident İlham Əliyevin qərarı ilə bağlıdır. Bu dövlət başçısının qərarı ilə tənzimlənir.

Fikrimcə minimum əməkhaqqı 400 manat ətrafında formalaşacağını proqnozlaşdıra bilərik.

“Minimum pensiyaya gəldikdə isə, burada artım Dövlət Statistika Komitəsinin illik elan etdiyi inflyasiya göstəricilərinə uyğun olacaq. Pensiyaların indeksləşdirilməsi bu xüsusda həyata keçiriləcək”.

E.Məmmədov deyir ki, son 6 ildən artıq bir müddətdə ölkədə qabaqlayıcı sosial müdafiə tədbirlərinin həyata keçirilməsi çox aktiv vüsət almışdır.

“Əməkhaqqı fondunda, minimum orta median əməkhaqqlarında, minimum və orta pensiyada biz bunu müşahidə etdik. Dövlət başçısının səsləndirdiyi fikirlərdən o qənaətə gəlmək olar ki, yaxın aylarda minimum əməkhaqqının və minimum pensiyanın artırılması ilə bağlı müvafiq qərarlar gözlənilir. Düşünürəm ki, bu siyasətin ardıcıl davam etdirilməsi, sosial müdafiə sistemində şəffaflığın təminatına söykənən bir məsələdir. Effektiv idarəetmə və şəffaflığın təmin edilməsi dövlətimizin bu istiqamətdə gördüyü işlərin inkişaf etdirməsinə böyük şərait yaratmış olur. Düşünürəm ki, bu siyasət ardıcıl şəkildə davam etdirilməlidir”, - deyə o bildirib.

Digər müsahibimiz Milli Məclisin deputatı Vüqar Bayramov deyir ki, Azərbaycan Prezidenti parlamentdə çıxışında sosial təminatın gücləndirilməsi ilə bağlı vacib məsələlərə toxundu. Növbəti ildən etibarən minimum əmək haqqını və pensiyalarda artımların olacağını bildirdi. Artıq bu istiqamətdə hökumətdə müzakirələr gedir.

“Noyabrn 1-ə qədər Əmək və əhalinin sosial müdafiəsi nazirliyi tərəfindən minimum əmək haqqı və eləcə də minimum pensiyaların artırılması ilə bağlı təkliflər təqdim olunacaq. Büdcə paketi çərçivəsində növbəti ildən etibarən minimum əməkhaqqının və pensiyaların artımı gözlənilir. Biz bu istiqamətdə öz təkliflərimizi təqdim etdik. Nəzədə alsaq ki, minimum əmək haqqı və pensiyalar 2023-cü ilin yanvar ayında artırılıb. Ona görə də biz təklif edirik ki, minimuk əmək haqqı və pensiyalarda 2 rəqəmli artımlar olsun. Müzakirlələrin əsasında isə konkret rəqəm təyin olunacaq. İlkin gözlənti ondan ibarətdir ki, artımlara növbəti ildən etibarən start veriləcək. Bu əmək pensiyası və minimum əmək haqqı alan bütün vətəndaşlarımızı əhatə edəcək”, - deyə deputat sonlandırıb.

Mehman Mirzəzadə

Prezident İlham Əliyevin Milli Məclisdə çıxışı çox mühüm əhəmiyyət kəsb edən çıxışlardan biridir. Eyni zamanda, bu proqram xarakterli çıxış idi. Həm Azərbaycanın müasir vəziyyəti, həm dünyada baş verən proseslərdə Azərbaycanın rolu, bu istiqamətdə hansı işlər görülür və gələcəkdə hansı işlər görüləcək barədə verilən əsas bəyanatlar idi. Təbii ki, hər bir istiqamət üçün ayrı-ayrılıqda cənab prezident öz fikrini bildirdi. Əsas məqamlardan da biri odur ki, məhz Vətən Müharibəsindən və antiterror əməliyyatından sonra suverenliyimiz tam bərpa olundu və demək olar ki, həm prezident seçkiləri, həm VII çağırış millət vəkillərinin seçilməsi bütün suverenliyimiz bərpa olunmuş ərazilərdə Azərbaycan bayrağı altında keçirildi.

Bu sözləri "Operativ Məlumat Mərkəzi-OMM"-ə açıqlamasında Milli Məclisinin deputatı Arzu Nağıyev bildirib.

“Ən mühüm istiqamət milli təhlükəsizliyin təmin edilməsidir. Məlumdur ki, cənab prezident öz çıxışlarında dəfələrlə qeyd edir ki, suverenlik, ərazi bütövlüyü, eyni zamanda, hər bir Azərbaycan vətəndaşının rifahı əsas istiqamətdir. Təbii ki, hərbi gücümüzün artırılması suverenliyimizə, gələcəkdə iqtisadi və digər istiqamətdə atılacaq addımlara güc mütləq şəkildə lazımdır. Çünki bu gün Ermənistanda revanşist qüvvələr baş qaldırır, həmçinin Ermənistan hakimiyyətini bir vasitə kimi istifadə edərək, tək Azərbaycanla deyil, bütün qonşu dövlətlərə qarşı istifadə etmək Qərbin əsas marağındadır. Buna görə də mütləq şəkildə güclü olmaq, hərbi-sənaye kompeksini daha da inkişaf etdirmək mühümdür”.

Millət vəkili vurğulayıb ki, bu gün Minsk qrupunun ləğvi də mütləq şəkildədir. Çünki vaxtilə yarananda, o, sülhün bərqərar olunması istiqamətində addımlar atmalı idi, ancaq birmənalı şəkildə onlar ancaq deklarativ bəyanatlarla yadda qaldılar.

Digər məsələ hərbi gücün artırılmasında hərbi-sənaye kompeksinin inkişafı, yeni silahların, yeni texnologiyaların əldə edilməsi, istehsalı kimi əsas istiqamətləri təşkil etdiyini deyən A.Nağıyev, döyüş qabiliyyətinin artırılması üçün ən müasir silahlar istehsal olunmalı, onlardan istifadə edə biləcək kadr potensialı da yetişdirilməli olduğunu bildirib.

Deputat vurğulayıb ki, hərbi-sənaye kompeksinin gücləndirilməsi, ölkəmizin gücünün inkişafı, yeni iş yerlərinin açılması, məhsulların ixrac edilməsi deməkdir. Ən ciddi məsələlərdən biri isə sərhədlərimizin qorunmasıdır ki, bununla bağlı Ermənistanla sərhəddə delimitasiya və demarkasiya məsələsi başlayıb. Bu 500 km-ə qədər sərhəd ciddi relyefi olan ərazilərdən keçir və buranı bərkitmək, eyni zamanda müasir istehkam qurğulardan istifadə etmək vacib məsələdir, çünki ərazilər əsasən yüksəkliklərdə yerləşir.

Buna səbəb Ermənistandan hər vaxt müəyyən təxribat gözləmək olduğunu qeyd edən millət vəkili, vizual kəşfiyyatçılar yalan uydurmalarla gəlib Azərbaycanla Ermənistan şərti sərhədində dayandığını, yalan informasiyaları, məlumatları Qərbə ötürdüklərini, həmçinim Fransa bu işdə daha ciddi fəallıq göstərdiyini bildirib.

“Çünki onlar heç bir şəkildə Azərbaycanın müstəqil daxili və xarici siyasətini və qələbəmizi həzm edə bilmirlər. Ona görə də bu istiqamətdə cənab prezident çox vacib mesajlar verdi, Ermənistan və onun arxasında duran istənilən qüvvə, ölkə bilməlidir ki, Azərbaycanın dönməz daxili və xarici siyasəti var”, - deyə Arzu Nağıyev sonlandırıb.

Aminə Nəzərova

VII çağırış Milli Məclisin ilk iclasında Prezident İlham Əliyevin çıxışı yalnız Azərbaycanın yox, bütövlükdə regionun inkişafının konseptual əsaslarını müəyyən edən, habelə bölgədə sülh və sabitliyin əsaslanacağı konfiqurasiyanın sərhədlərini dəyişən tarixi "yol xəritəsi" hesab olunmalıdır.

Bu sözləri millət vəkili Bəhruz Məhərrəmov “Operativ Məlumat Mərkəzi-OMM”-ə açıqlaması zamanı bildirib.

Deputat qeyd edib ki, Vətən Müharibəsindən və antiterror tədbirlərində qələbəsindən sonra yaranmış yeni reallıqda beynəlxalq hüququn aliliyini təmin etməklə regionda yeni tarixi inkişaf mərhələsi başladan Azərbaycanın diqtə edən hərbi-siyasi güc kimi rolu Prezidentin qeyd olunan çıxışda konseptual şəkildə inikası olduğu üçün həm də geosiyasi əhəmiyyət daşıyır. Məlumdur ki VII çağırış parlament ölkə tarixində dövətin beynəlxalq hüquq ilə tanınan bütün suverən ərazilərini əhatə edən seçkilərlə formalaşamış ilk Milli Məclidir. Qeyd olunan situasiya formalaşmış qanunvericilik orqanının iclasında dövlət başçımızın verdiyi bəyənatlar suverənliyə gedən yolda ölkənin hədəfə çatmasını göstərən tarixi yekundur:

“Eyni zamanda, dövlətçiliyimizdə yeni mərhələnin başlamasını göstərən tarixi keçid hesab olunmalıdır. Qeyd olunan situasiya gərgin və qətiyyətli siyasətin, iradənin nəticəsidir. Məlumdur ki, İkinci Qarabağ Müharibəsi, antiterror tədbirlərinin ardınca suverənliyimizin tam bərpa edilməsi regionda yeni geosiyasi konfiqurasiyaya gətirib çıxarır. Separatizmə son qoymaqla Azərbaycan dünya miqyasında tarixi Prezident formalaşdırmış oldu. Bu Prezident Azərbaycan tarixində həmişə qızıl səhifə kimi qalacaq. Bu proseslərin təməlində Prezidentin Parlament tribunasında da ifadə etdiyi kimi Azərbaycan xalqının birliyi, siyasi iradə, Azərbaycan dövlətinin gücü həlledici amillər kimi çıxış edib”. 

B.Məhərrəmov deyir ki, müstəqilliyin ilk illərində parçalanmış ölkədə bu birliyə nail olmaq köklü konseptual yanaşma tələb edirdi. Heydər Əliyevin azərbaycançılıq konsepsiyası bu formata nail olmaq üçün səsə çevrildi. Sonrakı dövrlərdə ölkədə ideoloji işin düzgün qurulması, xüsusən gənc nəslin tərbiyəsi sahəsində dövlət siyasətinin effektiv formada həyata keçirilməsi milli birliyə gətirib çıxardı.

Mədinə

Ermənistan 30 il ərzində işğal altında saxladığı Azərbaycan ərazilərində vandalizm aktı törədib, bütün yaşayış məntəqələri, sosial-iqtisadi infrastruktur, tarixi, dini, mədəni abidələr, dövlət obyektləri tamamilə məhv edilib. Eləcə də həmin ərazilərin flora və faunasına, ekologiyasına ciddi ziyan vurulub. Yəni ermənilər işğal altında saxladıqları ərazilərdə, demək olar ki, bütün həyatı məhv edib.

Bunu "Operativ Məlumat Mərkəzi-OMM"-ə açıqlamasında politoloq Turan Rzayev deyib.

O qeyd edib ki, işğaldan azad edilən ərazilərdə geniş bərpa prosesi aparılsa da, dağıntılar olan yerlərdə erməni vandalizminin miqyasını aydın şəkildə görmək olur. Yüzlərlə yaşayış məntəqəsi tamamilə yerlə-yeksan edilib.

"Ermənsitanla Azərbaycan arasında sülh danışıqlarından və ilkin sülh müqaviləsindən danışarkən daha çox delimitasiya, demarkasiya prosesindən, anklav, eksklavların taleyindən, Ermənistan konstitusiyasında Azərbaycan və Türkiyəyə ərazi iddiasını özündə ehtiva edən bəndlərin dəyişdirilməsindən bəhs edirik. Lakin yuxarıdakı faktlar gözardı edilməməli və rəsmi İrəvan Birinci Qarabağ müharibəsi, 30 illik işğal dövrü və İkinci Qarabağ müharibəsi zamanı ərazilərimizə vurduğu ziyana görə təzminat ödəməlidir.

Prinsip etibarilə bu məsələ bir müddətdir gündəmdən çıxmış kimi görünsə də, aktual saxlanılması və sülh müqaviləsində qeyd edilməsi vacibdir. Rəsmi Bakı sülh müqaviləsinin imzalanmasında maraqlı, hətta israrlıdır. Regionda yeni eskalasiya bizə lazım deyil. Bununla belə sülhün qalıcı olması üçün bütün problemli məsələlərin müqavilədə əks olunması və riayət edilməsi də vacibdir. Ermənistanın Azərbaycana ödəyəcəyi təzminat da bu məsələlərdən biridir".

Politoloq qeyd edib ki, Ermənistanın təzminat ödəməsi hüquqi öhdəliyin yerinə yetirilməsidir. Hər iki dövlət arasında sülh və barışıq ilk növbədə maddi və mənəvi ziyanın ödənilməsini tələb edir. Əgər mənəvi ziyan Ermənistanın təcavüz və işğalçılıq siyasətinə görə Azərbaycan xalqından üzr istəməsini və ərazi iddialarından hüquqi və siyasi müstəvidə birdəfəlik imtinasını ehtiva edirsə, maddi ziyan fərdi və ictimai zərərin kompensasiyasını nəzərdə tutur.

"Ermənistanın işğal etdiyi ərazilərə vurduğu zərərin həcmi Vətən müharibəsindən sonra hesablanıb. İrəvanın təzminat ödəməsi bir neçə formada həyata keçirilə bilər: Birincisi, Ermənistan bu təzminatı özü ödəməlidir. Maliyyə durumu imkan vermirsə, beynəlxalq təzminat fondu yaradılmalı və İrəvanın “dostları” həmin fond vasitəsilə təzminatın ödənilməsində iştirak etməlidir. Müqayisə üçün deyim ki, son zamanlar Fransa, ABŞ, Aİ Ermənistana təmənnasız yardımlar edir. Bu yardımların böyük əksəriyyəti İrəvanı Rusiyanın təsirindən çıxarmağa hesablanıb. Bu mənada havadarları Ermənistana Azərbaycana təzminat ödəmək üçün də yardım edə bilər.

İkincisi, Ermənistanın öz ərazisindən Azərbaycanın xeyrinə müəyyən güzəştləri özündə ehtiva edən təzminat razılaşmasına getməsi mümkündür. Bu, Ermənistanın müəyyən əraziləri üzərində suveren hüquqlarından Azərbaycanın xeyrinə imtina etməsini və ya bu ərazilərdə müəyyən fəaliyyət sferalarının uzunmüddətli konsessiyasını özündə ehtiva edə bilər.

Təbii ki, bu təklifi Ermənistanın ərazi bütövlüyünə hörmətsizlik hesab edənlər olacaq, amma tarixdə bunun örnəyi var. Misal üçün, İkinci Dünya müharibəsindən sonra Şərqi Rusiya ərazisi Polşaya təzminat kimi verildi. Ermənistan təzminat müqabilində Türkiyə ilə sərhədimizi genişləndirəcək müəyyən ərazi (İqdır tərəfdə) və ya Zəngəzur dəhlizi boyu torpaqları verə bilər", - deyə o sonlandırıb.

23 sentyabr tarixində VII çağırış Milli Məclisinin fəaliyyətə başladığı ilk iclasında Prezident İlham Əliyev millət vəkilləri qarşısında çox mükəmməl nitq ilə çıxış etdi. Bu çıxışı əslində Milli Məclisin və millət vəkillərinin qarşıdakı dövr üçün yol xəritəsi adlandırmaq olar. Dövlət başçısı çıxışda olduqca mühüm mesajlar səsləndirib ki, bu mesajların hər biri  ölkəmizin strateji hədəflərini, qarşıda duran prioritet istiqamətləri əhatə edir. Yeni formalaşmış parlamentin işinə uğurlar arzulayan cənab Prezident Milli Məclisin və deputatların öz işi ilə ölkəmizin hərtərəfli inkişafına töhfə verəcəyinə əminliyini ifadə edib. Vurğulanıb ki, bu ilki prezident və parlament seçkiləri müstəqil ölkəmizin tarixində ilk dəfə idi ki, bütün ərazilərimizdə keçirilib. Bunun tarixi hadisə olduğunu bildirən ölkəmizin başçısı II Qarabağ müharibəsini və suverenliyimizin tam bərpa edilməsinin dünya miqyasında tarixi hadisə kimi səciyyələndirib.

Mövzü ilə bağlı "Operativ Məlumat Mərkəzi-OMM"-ə açıqlama verən millət vəkili Məlahət İbrahimqızı deyir ki, Prezident İlham Əliyevin yeni formalaşmış parlamentdə çıxışı ölkəmizin gələcəyi, qarşıdan duran vəzifələr, hədəflərə yönəlik mühüm yol xəritəsi hesab etmək olaq.

“Azərbaycan xalqının güclü iradə, birlik göstərərək 30 il davam edən işğala son qoyduğu və bu reallığın artıq dünya birliyi tərəfindən qəbul edildiyi parlamentarilərin diqqətinə çatdırıldı. Bu baxımdan 2024-cü il Azərbaycan tarixində müstəsna əhəmiyyət kəsb edən hadisələrlə zəngin bir təqvim oldu. Çünki bu il prezident və parlament seçkiləri bütün ölkə ərazilərində keçirildi. Dövlətimizin başçısının da bildirdiyi kimi II Qarabağ müharibəsi və antiterror əməliyyatı nəticəsində suverenliyimizin tam bərpa edilməsi ölkə qarşısında yeni imkanlar, yeni üfüqlər açır. Artıq 30 ilin işğalı arxada qaldı. İndi ölkəmiz genişmiqyaslı quruculuq, inkişaf işinə qədəm qoyub. Cənab Prezident İlham Əliyevin proqram xarakterli nitqində hazırkı dövrə kimi əldə edilmiş nəticələr təhlil edilib və qiymətləndirilib. Eyni zamanda ölkəmizin və xalqımızın qarşısında duran əsas vəzifələr göstərilib. Vətən müharibəsində tarixi qələbə və suverenliyimizin tam bərpa olunması və ondan sonra formalaşmış yeni bir reallıq var. Yeni situasiya məhz İkinci Qarabağ müharibəsi və suverenliyimizin tam bərpa edilməsi dünya miqyasında tarixi hadisə kimi bu gün daha çox önə çıxır. Təbii ki, bunu şərtləndirən amillər Azərbaycan xalqının birliyi, iradəsi, dövlətin gücü qələbənin əsasını təşkil edib”.

Deputat qeyd etdi ki, milli təhlükəsizliyin təmin edilməsi əsas məsələdir. Dövlətimizin hərbi gücünün artırılması bu mənada xüsusi önəm kəsb edir. Birinci nömrəli vəzifə hərbi gücümüzün artırılmasıdır. Dünyada gedən proseslər, yeni münaqişə, müharibə ocaqlarının yaradılması və ətrafda gərginliyin artması, eyni zamanda, Ermənistanda revanşizm meyilləri bu sahəyə daim diqqət göstərməyə vadar edir. Ölkəmizin hərbi gücü olmasa, heç bir müstəvidə uğuru təmin emtək mümkün olmaz.

“Müstəqil Azərbaycan tarixi, o cümlədən 30 illik işğal bunu əyani şəkildə göstərir. Əgər hərbi imkan və gücümüz olmasaydı torpaqlarımızı işğaldan azad edə bilməzdik. Müzəffər Ali Baş komandanın bu sahəyə diqqət çəkməsi sözsüz ki, qarşıya yeni vəzifələr qoymaqla yanaşı hər kəs üçün də verilmiş bir mesaj kimi səciyyələnir. İkinci Qarabağ müharibəsindən keçən dövr ərzində Azərbaycanın öz hərbi gücünü artırması, yeni silahlı birləşmələrin yaradılması, xüsusi təyinatlı qüvvələrin say tərkibinin bir neçə dəfə artırılması, yeni xüsusi təyinatlı qüvvələrin, komanda qüvvələrinin, digər xüsusi təyinatlı silahlı birləşmələrin yaradılması mühüm amil hesab olunur. Həmçinin ölkəmizdə hərbi sənaye kompleksinin gücləndirilməsi vacib önəm kəsb edir. Ermənistanın Fransa və digər Qərb ölkələrinin hərbi yardımı fonunda silahlandırılması kimi faktlar mövcuddur”.

M.İbrahimqızı vurğuladı ki, prezidentimiz çıxışında həmçinin  ideoloji təhlükəsizliyin təmin edilməsi istiqamətində atılan addımların diqqətə mərkəzində olduğunu söyləyib.

“Azərbaycana qarşı ideoloji təxribatlar davam etdiyi qeyd olunub. Sözsüz ki, bu kimi təxribatlara qarşı xalqımızın güclü iradəsi və milli ruhu sayəsində lazımı cavab verildiyi də məlumdur. Bu xüsuda gənc nəslin milli ruhda böyüməsi olduqca önəmli faktordur. Çünki bu günki gənclik Azərbaycanın gələcək inkişafının əsas təminatçısıdır. Azərbaycanın qarşısında duran əsas məsələlərdən biri sözsüz ki, Qarabağ və Şərqi Zəngəzurun bərpasıdır. Müharibədən sonra bu ərazilərin bərpası üçün Azərbaycan dövləti bütün zəruri addımları atıb. Hazırda bu istiqamətdə işlər yüksək sürətlə davam edir. Məhz bunun nəticəsidir ki, 8 mindən çox keçmiş köçkün artıq Qarabağ və Şərqi Zəngəzura yerləşib. İşğaldan azad edilmiş ərazilərdə məktəblər, xəstəxanalar, sosial obyektlər, kəndlər salınır. Mədəni, tarixi irsimizin qorunması üçün əməli praktiki işlər görülür, tarixi abidələr bərpa edilir. Ermənilər tərəfindən dağıdılmış 7 məscid yenidən qurulub, 8-ci məscidin inşası hazırda davam edir. Azərbaycana bu məsələdə bir neçə dost-qardaş ölkə töhfə versə də ölkəmiz bütün işləri öz hesabına edir”.

Millət vəkili onu da qeyd etdi ki, bütün bunlarla yanaşı ölkəmizin iqtisadi inkişaf strategiyası hər zaman diqqət mərkəzindədir. Ölkəmizin başçısı da çıxışında qeyd etdi ki, 8 ayda iqtisadiyyat 4 faizdən çox artıb, qeyri-neft sektorunda artım 7 faiz olub. Eyni zamanda son beş ildə minimum əməkhaqqı 2,7 dəfə, minimum pensiyanın 2,5 dəfə artdığını söyləyən dövlətimizin başçısı gələn ildən minimum əməkhaqqı və minimum pensiyanın yenə də artırılacağını bildirib.

“Bütün bunlar ölkəmizdə həyata keçirilən sosial siyasətin davamlılığını təmin etmək üçün iqtisadiyyatın şaxələndirilməsi, qeyri-neft sektorunun inkişafı, yerli istehsalın genişlənməsi amilləri hesabına təmin edilib. Hazırda Ermənistanla münasibətlərin normallaşması, sülh danışıqları və digər məsələlər istiqamətində müzakirlərin davam etdiyi də deputatların nəzərinə çatdırıldı. Sülh təşəbbüsünün Azərbaycan tərəfindən irəli sürülməsinə baxmayaraq hazırda Ermənistanı süni şəkildə məsələni uzatmağa çalışır. Görünən odur ki, daim havadarlarının diktəsi ilə oturub-duran Ermənistan mümkün qədər sülh prosesini uzatmaqla özünün çirkin niyyətlərini reallaşdıracağına ümid edir. Bu xüsusda Avropa İttifaqının missiya adı altında Ermənistana göndərmiş olduğu qruplar və digər faktlar bu ölkəni sülh prosesini pozmağa həvəsləndirir. Qərbdən gələnlərin binokl diplomatiyası həyata keçirməsi bunun bariz nümunəsidir. Ona görə də, bu müstəvidə Ermənistanla yanaşı Qərbin ikiüzlülüyü, riyakarlığı daha qabarıq görünür. Azərbaycanın sülhlə bağalı tələbləri konkretdir. Ermənistan Azərbaycana qarşı rəsmi ərazi iddialarına son qoymalı, konstitusiyasına dəyişiklik edilməli və ATƏT-in Minsk qrupu da ləğv olunmalıdır.

Ölkə başçısının nitqində diqqətçəkən mühüm məqamlardan biri də Azərbaycanın xarici siyasət prioritetləridir. Hətta işğal dövründə Azərbaycanın təbii olaraq xarici siyasəti əsasən münaqişənin ədalətli həllinə yönəldiyi qeyd edilib. Tarixi Zəfərdən sonra isə ölkəmizin xarici siyasətində fərqli istiqamətlər mövcuddur. Bu müstəqil, prinsipial, xarici siyasətin əsas istiqamətləri hesab edilir. Sözsüz ki, Azərbaycan ikitərəfli formatda qarşılıqlı hörmət əsasında istənilən ölkə ilə əməkdaşlığa hazırdır. Bu mənada ölkəmiz diktə yolunu, ittiham, qaralama metodlarını heç vaxt qəbul etməyəcək və buna qarşı özünün bütün imkanları ilə layiqli formada mübarizə aparacaq. Azərbaycan ləyaqətli, qürurlu dövlət kimi tarixi Zəfərdən sonra beynəlxalq nüfuzu daha da güclənib. Ölkəmiz bir çox məsələlərə görə artıq beynəlxalq ictimaiyyətin dəstəyini qazanmış ən etibarlı tərəfdaşdır. Bunun bariz nümunəsi COP29-un Azərbaycanda keçirilməsidir. Məhz 200-ə yaxın ölkə tərəfindən qəbul edilmiş bu tarixi qərar Azərbaycanın beynəlxalq nüfuzunun, hörmətinin göstəricisidir. Bu gün ölkəmizin bütün qitələrdə dostlarının sayı artır. Azərbaycanın vaxtilə mövcud olmadığı bölgələrlə ciddi təmaslar qurulur. Həmçinin ölkəmiz ənənəvi tərəfdaşlarla, dostlarla münasibətlərini uğurla davam etdirir. Bütün bu uğurlara isə Azərbaycan Ulu Öndər Heydər Əliyevin strategiyası və cənab Prezident İlham Əliyevin həyata keçirdiyi praqmatik siyasət nəticəsində nail olub”, - deyə o sonlandırdı.

Mehman Mirzəzadə

Azərbaycan Respublikasının Prezidenti İlham Əliyev sentyabrın 20-də Xankəndi şəhərində Qarabağ Universitetinin təmirdən sonra açılışında iştirak edib.

Prezident İlham Əliyev 2023-cü il noyabrın 28-də “Qarabağ Universitetinin yaradılması haqqında” Sərəncam imzalayıb. Sərəncama əsasən, regionun sosial-iqtisadi ehtiyaclarına uyğun yüksəkixtisaslı kadr tələbatının ödənilməsi və tarixən mövcud olmuş təhsil ənənələrinin yaşadılması məqsədilə Xankəndi şəhərində yerləşən ali təhsil müəssisəsinin əsasında Azərbaycan Respublikası Elm və Təhsil Nazirliyinin tabeliyində “Qarabağ Universiteti” publik hüquqi şəxs yaradılıb.

Bəs Qarabağ Universitetinin açılmasın necə qiymətləndirməliyik? Prezidentin etdiyi çıxışlar gənclərə nə vəd edir?

Mövzu ilə bağlı "Operativ Məlumat Mərkəzi-OMM"-ə açıqlama verən politoloq Tural İsmayılov deyir ki, artıq Xankəndidə tədris sistemi bərpa olunub və bu çox qürurverici, tarixi hadisədir. 

“Prezidentin Xankəndiyə səfəri, onun açılışda iştirak etməsi, gənclərlə bağlı verdiyi açıqlamalar böyük əhəmiyyətə malikdir. Xankəndidə prezidentin etdiyi çıxışlar, vətənpərvərliyə çağırışla bağlı çağırışları hər bir gəncə mayak olacaq. İlham Əliyev Xankəndidə etdiyi çıxışlarda çox vacib nüanslara toxundu. Aktiv şəkildə Ermənistanı silahlandıran, Azərbaycanın ərazi bütövlüyünü mübahisələndirən, həmçinin ölkəmiz ilə bağlı qəbuledilməz fikirlər və açıqlamalar səsləndirən qüvvələrə qarşı da Prezidentin etdiyi çıxışların çox böyük əhəmiyyəti var”. 

T.İsmayılov deyir ki, Qarabağ universitetinin açılması çox böyük tarixi hadisədir. Xankəndi 30 il ərzində erməni separatçıları və onların dəstəkçiləri tərəfindən işğal altında olub. Bu gün işğaldan azad edilmiş, Azərbaycanın ən gözəl şəhərlərindən olan Xankəndidə “Qarabağ” universitetinin fəaliyyətə başlaması, müxtəlif bölgələrdən olan tələbələrimizin məhz təhsil üçün Qarabağ Universitetini seçməsi, tarixi əhəmiyyətə malik olan hadisədir. Bu universitetin açılması həm təhsilin, həm də ölkəmizin inkişafı üçün müstəsna əhəmiyyət daşıyır.

Mədinə