“Mingəçevir Reqatası-2026”da ikinci yarış gününə start verilir

Füzulidə keçirilən “Mingəçevir Reqatası-2026” beynəlxalq turnirində bu gün ikinci yarış gününə start veriləcək.

Turnirin ilk günündə Azərbaycan təmsilçiləri bir qızıl, bir gümüş və iki bürünc medal qazanıblar.

2008-2009-cu il təvəllüdlü idmançıların bir nəfərlik kayak qayığı ilə 200 metr məsafəyə yarışında Əlimurad Hacızadə qızıl, Nuran Rəhimli isə gümüş medal əldə edib.

Hüseyn Səmədli həmin yaş qrupunda bir nəfərlik kanoe qayığı ilə 200 metr məsafədə, Elmir Tarverdiyev isə 2010-2011-ci il təvəllüdlü idmançıların bir nəfərlik kayak qayığı ilə 200 metr məsafəyə yarışında üçüncü yeri tutub.

Mübarizə bu gün və sabah Mingəçevir “Kür” Olimpiya Tədris-İdman Mərkəzində bütün növlər və məsafələr üzrə davam etdiriləcək.

Yarışda Azərbaycanla yanaşı, Çexiya, Gürcüstan, Macarıstan, Qırğızıstan, Latviya, Litva, Moldova, Tacikistan, Türkiyə, Ukrayna və Özbəkistandan 100-dən çox gənc avarçəkən iştirak edir.