Milli Məclis, Ombudsman Səbinə Əliyevanın təqdimatında Azərbaycanın İnsan hüquqları üzrə müvəkkilinin illik məruzəsini müzakirələrdən sonra qəbul edib.
“Operativ Məlumat Mərkəzi-OMM”-in məlumatına görə, sənəddə vətəndaş müraciətləri və gələcək təkliflər yer alıb.
Sənəddə Ombudsman təsisatı tərəfindən 2025-ci ildə görülən işlər, vətəndaşların müraciətləri ilə bağlı atılan addımlar və növbəti dövr üçün təkliflər əksini tapıb.
Məruzədə ölkədə insan hüquq və azadlıqlarının müdafiəsi sahəsində mövcud vəziyyət və qarşıda duran vəzifələr geniş şəkildə təhlil edilib. Ümumilikdə sənədə 94 tövsiyə və təklif daxil edilib.
Həmin tövsiyələr əhalinin müxtəlif həssas qruplarının hüquqlarının daha səmərəli müdafiəsini və qanunvericilikdə nəzərdə tutulmuş azadlıqların təmin olunmasını əhatə edir.
Bu qruplara uşaqlar, qadınlar, ahıllar, müharibə iştirakçıları, hərbi qulluqçular və əlilliyi olan şəxslər daxildir.
S.Əliyeva vurğulayıb ki, ötən il ərzində Müvəkkilin ünvanına 42 mindən çox müraciət daxil olub.
Bu müraciətlərə Azərbaycan Konstitusiyasının tələblərinə uyğun olaraq baxılıb, müvafiq araşdırmalar aparılıb və cavablandırılıb.
Müzakirələrin yekununda məruzə səsə qoyularaq qəbul edilib.
Milli Məclisin yaz sessiyası üzrə növbəti plenar iclası başlayıb.
“Operativ Məlumat Mərkəzi-OMM” xəbər verir ki, iclasın gündəliyində Azərbaycanın İnsan hüquqları üzrə müvəkkilinin (Ombudsmanın) 2025-ci ildə ölkədə insan hüquqlarının qorunması haqqında illik məruzəsi daxil olmaqla, ümumilikdə 8 məsələ var.
Plenar iclasa spiker Sahibə Qafarova sədrlik edir. İclasda müzakirəyə çıxarılan illik məruzəni Ombudsman Səbinə Əliyeva təqdim edir.
Sənəddə Ombudsman təsisatı tərəfindən 2025-ci ildə görülən işlər, vətəndaşların müraciətləri ilə əlaqədar atılmış addımlar və növbəti dövr üçün təkliflər yer alıb.
Təqdimatdan sonra deputatlar məruzəni müzakirə edəcəklər.
