İtaliyanın "Milan" kollektivi İspaniya millisinin hücumçusu Alvaro Moratanı heyətinə cəlb edib.
"Operativ Məlumat Mərkəzi-OMM" A Seriyası təmsilçisinin mətbuat xidmətinə istinadən xəbər verir ki, 31 yaşlı hücumçu ilə 4 illik müqavilə bağlanıb.
O, son olaraq İspaniya təmsilçisi "Atletiko"nun (Madrid) formasını geyinib. A.Morata ötən mövsüm meydana çıxdığı 48 matçda 21 qol vurub.
Forvard həmçinin Almaniyada keçirilən Avropa çempionatında 1 qolla yadda qalıb.
