İspaniyalı sol cinah müdafiəçisi Mark Kukurelyanın yenidən "Barselona" klubuna qayıdacağı ilə bağlı xəbərlər gündəmi zəbt edib.
"Operativ Məlumat Mərkəzi-OMM" xəbər verir ki, 27 yaşlı futbolçu, baş məşqçi Entso Mareskanın istefasından sonra "Çelsi"də yaranmış vəziyyət fonunda komandanı tərk etmək barədə düşünməyə başlayıb.
Jurnalist Ferran Martinesin sözlərinə görə, ispan oyunçu Kataloniya təmsilçisinə keçməyə müsbət yanaşır.
Futbolçu "evinə" dönməkdən məmnun olsa da, hazırda "mavi-narlar"ın idman direktoru Deku ilə heç bir rəsmi danışıq aparılmır.
Gözlənilir ki, London təmsilçisi Kukurelyanın keçidi üçün təxminən 50 milyon avro tələb edəcək.
Lakin "Barselona" özünün bahalı müdafiəçilərindən kimisə satmayacağı təqdirdə, bu transferi reallaşdırmaqda ciddi maliyyə çətinlikləri ilə üzləşə bilər.
