OMM Redaksiyası
İngiltərənin "Mançester Yunayted" klubu cari mövsümün sonunda heyətində ciddi təmizləmə işləri aparacaq.
"Operativ Məlumat Mərkəzi-OMM" tanınmış insayder Fabritsio Romanoya istinadən xəbər verir ki, "qırmızı şeytanlar" yay transfer pəncərəsi zamanı iki yarımmüdafiəçisi ilə vidalaşacaq.
Mənbənin bildirdiyinə görə, klub rəhbərliyi və məşqçilər korpusu Manuel Uqarte və Kazemiro ilə yolları ayırmaq qərarına gəlib. Bu futbolçuların gedişi klubun orta xəttində yenilənmə prosesinin bir hissəsi kimi qiymətləndirilir.
Xatırladaq ki, daha əvvəl mətbuatda "Mançester Yunayted"in "Atalanta"nın yarımmüdafiəçisi Edersonu transfer etməyə yaxın olduğu barədə xəbərlər yayılmışdı.
Ötən mövsüm İngiltərə Premyer Liqasında uğurlu çıxış edən "Mançester Yunayted" 71 xal toplayaraq turnir cədvəlini üçüncü pillədə başa vurub. Maykl Karrikin rəhbərlik etdiyi kollektiv bu nəticə ilə növbəti mövsüm üçün UEFA Çempionlar Liqasına vəsiqə qazanmağı bacarıb.
