Futbol üzrə İngiltərə Premyer Liqasında XXVII tura yekun vurulub.

"Operativ Məlumat Mərkəzi-OMM" xəbər verir ki, turun mərkəzi qarşılaşması "Mançester Siti" və "Mançester Yunayted" komandaları arasında baş tutub. Görüş "şəhərlilər"in 3:1 hesablı qələbəsi ilə yekunlaşıb.

Hesabı 8-ci dəqiqədə Markus Reşford açıb. 56-cı dəqiqədə Fil Foden hesabı bərabərləşdirib. 24 yaşlı yarımmüdafiəçi 80-cı dəqiqədə özünün və komandasının ikinci qoluna imza atıb. Matçın yekun nəticəsini 90+1-ci dəqiqədə Erlinq Haaland müəyyənləşdirib.

Günün digər oyununda "Bournmut" "Börnli"yə qalib gəlib - 2:0.

Qeyd edək ki, turnir cədvəlinə 63 xalla "Liverpul" başçılıq edir. "Mançester Siti" 62 xalla ikinci pillədə qərarlaşıb. "Mançester Yunayted" isə bu məğlubiyyətdən sonra 44 xalla altıncı yerdədir.

Azərbaycan Premyer Liqasında XXXIV turun daha bir görüşü keçirilib.

"Operativ Məlumat Mərkəzi-OMM" xəbər verir ki, günün ikinci matçında "Zirə" "Qarabağ"ı qəbul edib.

Zirə Olimpiya Komleksinin stadionunda baş tutan matçda qonaqlar minimal hesabla qalib gəliblər - 1:0.

Yeganə qolu 34-cü dəqiqədə penaltidən Olavio Juninyo vurub. "Qarabağ" 79 xalla birinci, "Zirə" 52 xalla üçüncü pillədə qərarlaşıb.

Günün ilk oyununda "Turan Tovuz" səfərdə "Araz-Naxçıvan"ı (1:0) məğlub edib. Dünən isə turun açılış matçında "Neftçi" 5:1 hesabı ilə "Kəpəz"ə qalib gəlib.

Qeyd edək ki, turun son iki görüşü mayın 12-də keçiriləcək.

Bu gün Azərbaycan Premyer Liqasında XXXIV turun növbəti oyunları keçiriləcək.

"Operativ Məlumat Mərkəzi-OMM" xəbər verir ki, günün ilk matçında “Araz-Naxçıvan” doğma meydanda “Turan Tovuz”la qarşılaşacaq. "Liv Bona Dea Arena"da oynanılacaq görüş saat 17:00-da başlayacaq.

Hazırda Naxçıvan təmsilçisi 35 xalla doqquzuncu, “Turan Tovuz” isə 42 xalla yeddinci pillədə qərarlaşıb.

Günün ikinci oyununda “Zirə” və “Qarabağ” komandaları üz-üzə gələcəklər. Zirə Olimpiya İdman Kompleksinin stadionunda baş tutacaq oyun saat 19:30-da start götürəcək.

“Zirə” 52 xalla üçüncü, “Qarabağ” isə 76 xalla birinci yerdədir.

Qeyd edək ki, tura mayın 12-də keçiriləcək 2 görüşlə yekun vurulacaq.

Fransanın PSJ klubu baş məşqçisi Luis Enrike ilə bağlı qərar qəbul edib.

"Operativ Məlumat Mərkəzi-OMM" ESPN-ə istinadən xəbər verir ki, 54 yaşlı mütəxəssis növbəti mövsüm Paris təmsilçisindəki fəaliyyətini davam etdirəcək.

Rəhbərlik Enrikenin işindən razıdır və onun çox nailiyyətlər əldə edə biləcəyinə inanır.

Qeyd edək ki, PSJ UEFA Çempionlar Liqasının yarımfinal mərhələsinin hər iki oyununda Almaniyanın "Borussiya" (Dortmund) klubuna 0:1 hesabı ilə uduzub.

“Qarabağ”ın sabiq qapıçısı İbrahim Şehiç Bosniya və Herseqovina millisindəki karyerasını bitirib.

"Operativ Məlumat Mərkəzi-OMM" xəbər verir ki, Səudiyyə Ərəbistanının “Əl-Halic” komandasında çıxış edən 36 yaşlı qolkiper qərarını sosial şəbəkə hesabında açıqlayıb.

“Günlərdir nə deyəcəyimi, haradan başlayacağımı düşünürəm. Sevimli formanı geyinmək üçün mənə gələn ilk zəngdən indiyədək inanılmaz 14 il keçib. Atam vətən uğrunda həlak olub. Mən də ölkəmi bu yolla müdafiə etdim. 66 oyunda Bosniya və Herseqovinanın gerbini qürurla üzərimdə daşıdım. Bu yolda məni müşayiət edən hər kəsə - ailəmə, dostlarıma, məşqçilərimə və komanda yoldaşlarıma minnətdaram. Siz məni daha yaxşı insan etdiniz. Çox sağ olun. Milli komandamızın ən yaxşı azarkeşlərinə təşəkkür edirəm. Burada ən gözəl xatirələr, ən böyük sevinc və kədərlər, məni göylərə ucaldan uğurlar, bədənimin hər hüceyrəsində hiss etdiyim məğlubiyyətlər yaşadım. Hər şey üçün təşəkkürlər”, - təcrübəli oyunçu yazıb.

Qeyd edək ki, İbrahim Şehiç 2013-2018-ci illər mövsümündə “Qarabağ”ın şərəfini qoruyub. 2010-cu il noyabrın 17-də yığmada debüt edən təcrübəli qapıçı ümumilikdə 55 oyunda meydanda olub.

Azərbaycan Premyer Liqasında XXXIII tura yekun vurulub.

"Operativ Məlumat Mərkəzi-OMM" xəbər verir ki, günün yeganə oyununda "Səbail" və "Qəbələ" komandaları üz-üzə gəliblər. "ASCO Arena"da baş tutan qarşılaşma qonaqların 3:2 hesablı qələbəsi ilə yekunlaşıb.

Bu nəticədən sonra "Səbail" 42 xalla altıncı, ötən tur "Kəpəz"ə məğlub olaraq Premyer Liqa ilə vidalaşan "Qəbələ" isə 20 xalla sonuncu - 10-cu yerdədir.

Turun daha əvvəl reallaşan görüşlərində "Qarabağ" "Neftçi"yə 5:0, "Zirə" "Turan Tovuz"a 2:1, "Sabah" "Araz-Naxçıvan"a 1:0 hesabı ilə qalib gəlib. "Kəpəz" - "Sumqayıt" görüşü isə 1:1 hesablı heç-heçə ilə yekunlaşıb.