OMM Redaksiyası
Azərbaycan millisinin hücumçusu Mahir Emrelinin çıxış etdiyi “Rakuv” Polşa çempionatının 11-ci turunda səfərdə “Veçista”nı 2:1 hesabı ilə məğlub edib.
Görüşdə hesabı 69-cu dəqiqədə Lisandro Semedo açıb. “Rakuv” 79-cu dəqiqədə penaltidən vurduğu qolla tarazlığı bərpa edib, 88-ci dəqiqədə isə Lamin Diabi-Fadiqa komandasına qələbə qazandıran qolu vurub.
Start heyətində yer alan Emreli 87-ci dəqiqədə əvəzlənib. O, meydanı tərk edərkən hesab 1:1 idi. Hücumçunun dəyişdirilməsindən bir dəqiqə sonra “Rakuv” qələbə qolunu vurub.
Bu, “Rakuv”un cari mövsümdə Polşa çempionatında qazandığı ikinci qələbədir. Komanda 11 turdan sonra altı xalla Ekstraklasanın turnir cədvəlində sonuncu pillədə qərarlaşıb.
Kontekst
Xatırladaq ki, oktyabrın 10-da “Rakuv” Polşa çempionatının 10-cu turunda “GKS Katovitse”yə evdə 1:4 hesabı ilə uduzub. Həmin görüşdə start heyətində meydana çıxan Emreli 61-ci dəqiqədə əvəzlənib.
