OMM Redaksiyası
Belarus Respublikasının Prezidenti Aleksandr Lukaşenko Azərbaycan Respublikasının Prezidenti İlham Əliyevə təbrik məktubu göndərib. Təbrikdə deyilir:
“Hörmətli cənab Prezident.
Sizi və Azərbaycan xalqını Müstəqillik Günü münasibətilə səmimi-qəlbdən təbrik edirəm. İqtisadiyyatda əldə olunan uğurları, artan beynəlxalq nüfuzu ilə qürur duyan, suveren, inkişaf etmiş və gələcəyə inamla baxan bir dövlətin qurulması istiqamətində həyata keçirdiyiniz kurs Belarusda yüksək qiymətləndirilir.
Belarus-Azərbaycan strateji tərəfdaşlığının inkişafında Minskin maraqlı olduğunu bir daha təsdiq edirəm. Əminəm ki, müntəzəm görüşlərimiz, etimada söykənən fəal dialoqumuz, eləcə də müxtəlif səviyyələrdə aparılan sistemli iş cari layihələrin uğurla icrasına və yeni ikitərəfli təşəbbüslərin reallaşmasına töhfə verəcək.
Hörmətli İlham Heydər oğlu, Sizə və ailənizə cansağlığı, xoşbəxtlik, Azərbaycan xalqına isə sülh və əmin-amanlıq arzulayıram”.
